ಕೈಕಂಬ: ರಾಜ್ಯದ ಮಾಮಲ್ಲ ಪರ್ಬ ದಸರಾ ಪರ್ಬದ ಕುಸಿಟ್ ನಮ ಉಲ್ಲ. ಅಲ್ಪ ಅಲ್ಪ ಚುಂಗುಡಿ ಏಸೊಲು, ಗಂಪೇಸೊಲು ಪೂರಾ ತೋಜೊಂದು ಬರೊಂದುಲ್ಲ. ಪಿಲಿತ ಏಸದಕ್ಲು ಅಲ್ಪಲ್ಪ ತೋಜೊಂದುಲ್ಲೆರ್. ಉಂದೆತ ನಡುಟು ಶಾರ್ದೂಲೆ, ಕರೊಡಿ, ತೋಳ ಇಂಚ ನಾನನಮೂನೆದ ಏಸೊಲು ಪಿದಡ್ದ. ದುಂಬದ ಕಾಲದ ಗಾದೆ ಪಾತೆರದಲೆಕ ಪಂಡ, ಒಂಜಿಸೇರ್ ಪಣವು ಲತ್ಂಡಲಾ ದುಡ್ಡು ಯಾವಂದ್. ದಾಯೆಪಂಡ ಆತ್ ವೇಷೊಲು ನಮ್ಮ ಕಣ್ಣ್ಗೆ ತೋಜಿದ್ ಬರ್ಪ. ಇತ್ತೆದ ಏಸೊಲೆಗ್ ತಾವುತಿಕಂದಿಜ್ಜಿ. ಒಟ್ಟಾರೆ ಮೋನೆಗ್ ಬೊನ್ಯ ಪೂಜಿಂಡಲಾ ಏಸ. ಆಯಕ್ ಪತ್ತ್ ಮುಕ್ಕಾಲ್ ಕೊರ್ಜಿಮಡ ಆಯೆ ಇಲ್ಲದ ಜಾಲ್ ಪಿದಡುಜಿ.
ಇತ್ತೆ ತೂಲೆ ವಾ ಚುಮಗುಡಿ ಏಸೊಲುಲಾ 10 ರೂಪಾರ್ದ್ ಕಮ್ಮಿ ಗೆತೊನುಜೆರ್. ಉಂದೆತ್ತ ನಡುಟ್ಟು ಕೆಲವೆರ್ ಮೂಂಕುಮುಟ್ಟ ಪರದ್ತೋಡುಡು, ಸಾದಿಡ್ ಬೂರೊಂದುಪ್ವೆರ್. ಉಂದು ಮಾತಾ ಉಪ್ಪಡ್.
ಇನಿ ಕೈಕಂಬೊಗು ಒಂಜಿ ವಿಚಿತ್ರ ಏಸ ಬತ್ಂಡ್. ಇಸಪ್ಪ ಉಂದು ದಾದ ಏಸ ಪಂದ್ ತೂನಗ ಬಾರೀ ಸೋಕುದ ಏಸ. ತುಳುತ್ತ ಸಂಸ್ಕೃತಿ ಜನಪದ ಸಂಸ್ಕೃತಿಗೆ. ಅಯಿತ ಸೊಗಡುನು ಪಸರೊಂದು ನಾಳ್ ಜನ ವಾ ನಲ್ತೊಂತೆರ್ ಗೊತ್ತುಂಡೆ. ಓರೆರ್ಲಾ ಮರ್ಲೆರ್ಲೆಕ ತೆಲ್ತೊಂತೆರ್.
ಅಯಿತ ಪಿರವುಡು ನಾಗಸ್ವರ ಬೊಟ್ಟುನಾಯೆ, ವಾದ್ಯದಾಯೆ. ಮೊಕ್ಲೆನ ಏಸೊಗು ತಕ್ಕಂತೆ ಏಸದಕುಲು ಕೋಲಾಟ ನಲ್ತೊಂತೆರ್. ಇತ್ತೆದ ಮಾತ ಪೊಸ ಪೊಸ ಪದ್ಯೊಲು ಪೂರಾ ಉಲ್ಲತ್ತೆ ಅಯಿಕ್ ತಕ್ಕಂತಿಲೆಕ ವಾದ್ಯ ಉರ್ತೊಂದುಪ್ಪುನೆಕ್ಕ ತಕ್ಕ ಮೊಕುಲು ನಲ್ತೊಂತೆರ್.
ಕೈಕಂಬೊಡು ಮೊಕ್ಲೆನ ವೇಷ ಮಸ್ತ್ ಖುಷಿ ಕೊರುಂಡು. ಕೆಲವೆರ್ ಮೊಕ್ಲೆನ ನಲ್ಕೆಗ್ ಮರ್ಲಾಯಿನಕುಲು ನೂದೆತ್ತ ನೋಟುಲೆನ್ ತಲ್ಕಾವೊಂದಿತ್ತೆರ್.
giri