ಬಂಟ್ವಾಳ: ಬಂಟ್ವಾಳ ನಗರ ಪೋಲೀಸ್ ಠಾಣೆಯ ವ್ಯಾಪ್ತಿಯ ನರಿಕೊಂಬು ಹಾಗೂ ಪಾಣೆಮಂಗಳೂರು ಗ್ರಾಮಗಳ ಮುಖಂಡರ ಸಭೆ ಇಲ್ಲಿನ ಪಾಣೆಮಂಗಳೂರಿನ ಸುಮಂಗಲ ಕಲ್ಯಾಣ ಮಂಟಪದಲ್ಲಿ ಶುಕ್ರವಾರ ನಡೆಯಿತು.
ಈ ವೇಳೆ ಮುಂಬರುವ ವಿಧಾನ ಸಭಾ ಚುನಾವಣಾಯಲ್ಲಿ ಯಾವುದೇ ರೀತಿಯ ಅಹಿತಕರ ಘಟನೆ ನಡೆಯದಂತೆ, ಮತ ಚಲಾವಣೆ ಮಾಡಲು ಸೂಕ್ತವಾದ ತಿಳುವಳಿಕೆ ಮೂಡಿಸುವ ಬಗ್ಗೆ ಮಾಹಿತಿ ಹಾಗೂ ಕಾನೂನು ಸುವ್ಯವಸ್ಥೆ ಕಾಪಾಡಲು ಸಾರ್ವಜನಿಕರ ಪಾತ್ರಗಳ ಬಗ್ಗೆ ಮಾಹಿತಿ ನೀಡಲಾಯಿತು.
ಸಭೆಯಲ್ಲಿ ಬಂಟ್ವಾಳ ನಗರ ಪೋಲೀಸ್ ಠಾಣೆ ಯ ಪಿಎಸ್ಸೈ ಚಂದ್ರಶೇಖರ್, ಅಪರಾಧ ವಿಭಾಗದ ಪಿಎಸ್ಸೈ ಹರೀಶ್, ಎರಡು ಗ್ರಾಮದ ಬೀಟ್ ಉಸ್ತುವಾರಿ ಎಸ್ಸೈ ಸಂಜೀವ, ಗ್ರಾಮ ಕರಣೀಕ ವಿಜೇತಾ ಬೀಟ್, ಸಿಬ್ಬಂದಿಗಳಾದ ನಾಗರಾಜ, ಜಯಾನಂದ, ನಿರಂಜನ, ಪರಮೇಶ್, ಉಸ್ಮಾನ್, ಪ್ರವೀಣ್ ಹಾಗೂ ಝಮೀರ್ ಮತ್ತಿತರರು ಉಪಸ್ಥಿತರಿದ್ದರು.