ರಾತ್ರಿ ಮಾಡಿದ ಆಹಾರವನ್ನು ಮರುದಿನ ತಿನ್ನಲು ಯಾರು ಇಷ್ಟ ಪಡುವುದಿಲ್ಲ. ಅದರಲ್ಲಿಯೂ ಈ ಅನ್ನ ಉಳಿದರೆ ಏನು ಮಾಡುವುದೆಂದು ತಲೆ ಕೆಡಿಸಿಕೊಂಡು ಬಿಡುತ್ತಾರೆ. ಬಹುತೇಕರ ಮನೆಯಲ್ಲಿ ಈ ಸಮಸ್ಯೆ ಇದದ್ದೇ. ಹೀಗಾದಾಗ ಮನೆಯಲ್ಲಿ ಸುಲಭವಾಗಿ ಉಳಿದ ಅನ್ನದಿಂದ ವಿವಿಧ ರೆಸಿಪಿ ಮಾಡಿ ಸವಿಯಬಹುದು. ಹೀಗೆ ಮಾಡಿದ್ದಲ್ಲಿ ಅನ್ನ ಬಿಸಾಕಬೇಕು ಎನ್ನುವ ತಲೆ ನೋವು ಇರುವುದಿಲ್ಲ. ರಾತ್ರಿ ಉಳಿದ ಅನ್ನದಿಂದ ರೈಸ್ ಖೀರ್ ರೆಸಿಪಿಯನ್ನು ಸುಲಭವಾಗಿ ಮಾಡಬಹುದು. ಸಿಹಿಸಿಹಿಯಾಗಿರುವ ಈ ರೆಸಿಪಿಯೂ ಮನೆ ಮಂದಿಗೆಲ್ಲಾ ಇಷ್ಟವಾಗುವುದರಲ್ಲಿ ಎರಡು ಮಾತಿಲ್ಲ.

ರೈಸ್ ಖೀರ್ ಮಾಡಲು ಬೇಕಾಗುವ ಪದಾರ್ಥಗಳು

• ಉಳಿದ ಬೇಯಿಸಿದ ಅನ್ನ
• ಬೆಲ್ಲ
• ಹಾಲು
• ಏಲಕ್ಕಿ ಪುಡಿ
• ಗೋಡಂಬಿ

ರೈಸ್ ಖೀರ್ ಮಾಡುವ ವಿಧಾನ

• ಮೊದಲಿಗೆ ಬಾಣಲೆಯನ್ನು ಸ್ಟವ್ ಮೇಲೆ ಇಟ್ಟು ಬಿಸಿಯಾಗುತ್ತಿದ್ದಂತೆ ಉಳಿದ ಬೇಯಿಸಿದ ಅನ್ನ, ಬೆಲ್ಲ ಮತ್ತು ಹಾಲು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
• ಈ ಮಿಶ್ರಣವನ್ನು ಮಧ್ಯಮ ಉರಿಯಲ್ಲಿ ಹದಿನೈದು ನಿಮಿಷಗಳ ಕಾಲ ಕುದಿಸಲು ಬಿಡಿ.
• ನಂತರ ಖೀರ್ ಬೇಯುತ್ತಿದ್ದಂತೆ, ಏಲಕ್ಕಿ ಪುಡಿ ಮತ್ತು ಗೋಡಂಬಿ ಬೀಜಗಳನ್ನು ಹಾಕಿ ಚೆನ್ನಾಗಿ ಬೆರೆಸಿಕೊಳ್ಳಿ.
• ಎರಡು ನಿಮಿಷಗಳ ಕಾಲ ಕುದಿಸಿ ಸ್ಟವ್ ಆಫ್ ಮಾಡಿ. ತಣ್ಣಗಾದ ಬಳಿಕ ರೈಸ್ ಖೀರ್ ಸವಿಯಿರಿ.