ನ.18ರಂದು ಶುಕ್ರವಾರದಂದು ಕುಲ್ವಿಂದರ್ ಜಿತ್ ಸಿಂಗ್ ಅಲಿಯಾಸ್ ಖನಪುರಿಯ ಎಂಬಾತನನ್ನು ದೆಹಲಿ ಏರ್ ಪೋರ್ಟ್ ನಲ್ಲಿ ಬಂಧಿಸಿದ್ದು, ಈತ ಖಾಲ್ಸಾ ಇಂಟರ್‌ನ್ಯಾಶನಲ್ ಮತ್ತು ಖಲಿಸ್ತಾನ್ ಲಿಬರೇಶನ್ ಫೋರ್ಸ್‌ನಂತಹ ಭಯೋತ್ಪಾದಕ ಸಂಘಟನೆಗಳೊಂದಿಗೆ ಸಂಬಂಧ ಹೊಂದಿದ್ದ. ಈ ಆರೋಪಿ ಬಹಳ ಟೆರರಿಸ್ಟ್ ಕೇಸ್ ನಲ್ಲಿ ಭಾಗಿಯಾಗಿದ್ದು, ಪಂಜಾಬ್ ನಲ್ಲಿ ಸುಪಾರಿ ತೆಗೆದುಕೊಂಡು ಉದ್ದೇಶಿತ ಹತ್ಯೆಗಳ ರುವಾರಿಯಾಗಿದ್ದ.

90ರ ದಶಕದಲ್ಲಿ ದೆಹಲಿಯ ಕನ್ನಾಟ್ ಪ್ಲೇಸ್‌ನಲ್ಲಿ ನಡೆದ ಬಾಂಬ್ ಸ್ಫೋಟ ಪ್ರಕರಣ ಮತ್ತು ಇತರ ರಾಜ್ಯಗಳಲ್ಲಿ ನಡೆದ ಗ್ರೆನೇಡ್ ದಾಳಿಯಲ್ಲೂ ಭಾಗಿಯಾಗಿದ್ದ. ಈ ಎಲ್ಲಾ ಪ್ರಕರಣಗಳಲ್ಲಿ ಮೋಸ್ಟ್ ವಾಂಟೆಡ್ ಟೆರರಿಸ್ಟ್ ಆಗಿ ಗುರುತಿಸಿಕೊಂಡಿದ್ದು, ಈತನು 2019ರಿಂದ ತಲೆಮರೆಸಿಕೊಂಡಿದ್ದ ಎನ್ನಲಾಗಿದೆ. ಬ್ಯಾಂಕಾಕ್ ನಿಂದ ದೆಹಲಿ ಏರ್ ಪೋರ್ಟ್ ಗೆ ಬರುವ ಖಚಿತ ಮಾಹಿತಿಯ ಮೇರೆಗೆ NIA ತಂಡ ಈತನನ್ನು ಬಂಧಿಸಿದ್ದಾರೆ.