ಯಾದಗಿರಿ: ಗಣೇಶನ ಮೂರ್ತಿ  ಹಾಲು ಕುಡಿಯುವುದು, ಬೇವಿನ ಮರದಿಂದ ಹಾಲು ಬರುವುದು, ಹನುಮಂತನ ಮೂರ್ತಿ ಕಣ್ಣು ಬಿಡುವುದು, ಸಾಯಿಬಾಬಾ ಮೂರ್ತಿಯಿಂದ ವಿಭೂತಿ ಬರುವುದು, ದೇವಿ ಮೂರ್ತಿಯಿಂದ ಕಣ್ಣೀರು ಸುರಿಸುವುದು ಇತ್ಯಾದಿ ಸುದ್ದಿಗಳನ್ನು ನೀವು ಕೇಳೇ ಇರುತ್ತೀರಿ. ಇದು ಸತ್ಯವೋ, ಸುಳ್ಳೋ, ದೇವರ ಪವಾಡವೋ, ಮೂಢ ನಂಬಿಕೆಯೋ ಎನ್ನುವುದು ಅವರವರ ನಂಬಿಕೆಗೆ ಬಿಟ್ಟ ವಿಚಾರ. ಇದೀಗ ಯಾದಗಿರಿಯಲ್ಲೂ ಇಂತದ್ದೇ ಪವಾಡ ನಡೆದಿದೆಯಂತೆ.

ಯಲ್ಲಮ್ಮ ದೇವಿ ಮುಖವೊಂದು ಗ್ರಾಮದ ಮನೆಯೊಂದರ ಗೋಡೆ ಮೇಲೆ ಮೂಡಿದ್ಯಂತೆ. ಇದನ್ನು ನೋಡಿದ ಗ್ರಾಮಸ್ಥರೆಲ್ಲ ದೇವಿ ಪವಾಡ ಅಂತ ಹೇಳುತ್ತಿದ್ದಾರೆ. ಗ್ರಾಮಸ್ಥರು ಇದನ್ನು ನೋಡೋಕೆ ಅಂತ ತಂಡೋಪತಂಡವಾಗಿ ಬಂದು ಉಧೋ ಉಧೋ ಯಲ್ಲಮ್ಮ ಉಧೋ ಅಂತಿದ್ದಾರೆ. ಗ್ರಾಮದ ಮಹಿಳೆಯರು ಗೋಡೆಗೆ ಆರತಿ ಬೆಳಗಿ, ತಾಯಿ ಕಾಪಾಡವ್ವ ಅಂತ ಕೈ ಮುಗಿದಿದ್ದಾರೆ.

ಗೋಡೆ ಮೇಲೆ ಮೂಡಿತು ಯಲ್ಲಮ್ಮ ದೇವಿ ಮುಖ!