ಕೈಕಂಬ: ಸಿವಿಲ್ ನ್ಯಾಯಾಧೀಶರ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ನ್ಯಾಯಮೂರ್ತಿಯಾಗಿ ನೇಮಕಗೊಂಡ ದಕ್ಷಿಣ ಕನ್ನಡ ಜಿಲ್ಲೆ ಫೆರಾರ ಊರಿನ ಜೋಯ್ಲಿನ್ ಮೆಂಡೋನ್ಸಾ ರವರಿಗೆ ಮಾ.20ರಂದು ಭಾನುವಾರ ಪೇಜಾವರ ವಲಯದ 6 ಚರ್ಚುಗಳ (ಪೇಜಾವರ, ಬಜ್ಪೆ, ಗುರುಪುರ ಕೈಕಂಬ, ಫೆರಾರ, ಪೆರ್ಮುದೆ, ಅದ್ಯಾಪಾಡಿ) ವತಿಯಿಂದ ಬಜ್ಪೆ ಯಲ್ಲಿ ಸನ್ಮಾನ ಕಾರ್ಯಕ್ರಮ ಜರುಗಿತು.
ಪೇಜಾವರ ವಲಯ ಧರ್ಮಕೇಂದ್ರದ ಮುಖ್ಯಸ್ಥರಾದ ಅತಿ ವಂದನೀಯ ಮಾರ್ಸೆಲ್ ಸಲ್ಡಾನಾ ಅವರು ಅಧ್ಯಕ್ಷತೆ ವಹಿಸಿ ಸನ್ಮಾನಿಸಿದರು. ಈ ವೇಳೆ ವಲಯದ ಎಲ್ಲಾ ಧರ್ಮಗುರುಗಳು, ಭಗಿನಿಯರು ಹಾಗೂ ಪಾಲನಾ ಮಂಡಳಿ ಸದಸ್ಯರು ಉಪಸ್ಥಿತರಿದ್ದು ಸನ್ಮಾನಿಸಿದರು.
ಶ್ರೀಮತಿ ಪ್ರಮೀಳಾ ಪೇರಿಸ್ ಸನ್ಮಾನಿತರನ್ನು ಪರಿಚಯಿಸಿದರು ಇದೇ ಸಂದರ್ಭದಲ್ಲಿ ಸನ್ಮಾನಿತರ ತಾಯಿ ಶ್ರೀಮತಿ ಪೌಲಿನ್ ಮೆಂಡೊನ್ಸ ರವರನ್ನು ಅಭಿನಂದಿಸಲಾಯಿತು. ಶ್ರೀ ರೋಮನ್ಸ್ ಲೋಬೊ ಕೈಕಂಬ ಅಚ್ಚುಕಟ್ಟಾಗಿ ಕಾರ್ಯಕ್ರಮ ನಿರ್ವಹಿಸಿದರು.