ಬಂಟ್ವಾಳ: ಮೂಲಭೂತ ಶಿಕ್ಷಣ ಹಾಗೂ ಸಾಕ್ಷರತಾ ಮಾಸಾಚರಣೆಯ ಅಂಗವಾಗಿ ಬಂಟ್ವಾಳ ರೋಟರಿ ಕ್ಲಬ್ ವತಿಯಿಂದ ನಾಲ್ಕು ಶಿಕ್ಷಕರಿಗೆ ರಾಷ್ಟ್ರ ನಿರ್ಮಾತೃ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಯಿತು.
ಈ ಶಿಕ್ಷಕರಾದ ಎಸ್ವಿಎಸ್ ಪ್ರೌಢಶಾಲೆಯ ಶಿವಾನಂದ ಬಾಳಿಗ, ಬೆಂಜನಪದವು ಪಿಯು ಕಾಲೇಜಿನ ರವಿಚಂದ್ರ ಮಯ್ಯ, ಬೆಂಜನಪದವು ಪ್ರೌಢಶಾಲೆಯ ಹೇಮಾ ಮಯ್ಯ, ಎಸ್ವಿಎಸ್ ದೇವಾಳ ಆಂಗ್ಲ ಮಾಧ್ಯಮ ಶಾಲೆಯ ರೋಶನಿ ತಾರಾ ಡಿಸೋಜಾ ಅವರಿಗೆ ಪ್ರಶಸ್ತಿ ನೀಡಲಾಯಿತು.
ಈ ಸಂದರ್ಭದಲ್ಲಿ ಬಂಟ್ವಾಳ ರೋಟರಿ ಕ್ಲಬ್ ಅಧ್ಯಕ್ಷ ಮಂಜುನಾಥ ಆಚಾರ್ಯ ಕಾರ್ಯದರ್ಶಿ ಶಿವಾನಿ ಬಾಳಿಗ, ಪೂರ್ವಾಧ್ಯಕ್ಷ ರಿತೇಶ್ ಬಾಳಿಗ, ಶಿಕ್ಷಕ ವಿಠಲನಾಯಕ್ ಮುಂತಾದವರು ಉಪಸ್ಥಿತರಿದ್ದರು.