ಮುಂಬಯಿ: ಪುಸ್ತಕ ಬರೆಯುವುದೇ ದೊಡ್ಡ ದಿಗ್ಭ್ರಾಂತಿ ಆಗಿದೆ. ಭಾಷಾಂತರ ಮಹಾ ಸಂಕಟದ ಕಾಯಕವಾಗಿದೆ. ಭಾಷೆಯ ಹಿಡಿತ ಇದಕ್ಕೆ ಮುಖ್ಯವಾಗಿದೆ. ಭಾಷಾ ಹಿನ್ನಲೆಯ ಭಾಗ ಅನುವಾದಕರಲ್ಲಿ ಸ್ವಷ್ಟವಾಗಿದ್ದಾಗ ಅನುವಾದ ಕೃತಿಗಳು ಸ್ವಾರಸ್ಯಕರವಾಗಿ ಮೂಡುವುದು. ವಿಮಲ ಅವರ ಈ ಕೃತಿ ಇತರೇ ಭಾಷೆಗಳಲ್ಲಿ ಮರು ಭಾಷಾಂತರವಾಗಿ ಈ ಕೃತಿ ಮೌಲ್ಯಯುತವಾಗಿ ಪ್ರಕಾಶಿಸಲಿ ಎಂದು ಭಾರತ ರಾಷ್ಟ್ರದ ಸರ್ವೋಚ್ಛ ನ್ಯಾಯಲಯದ ನಿವೃತ್ತ ನ್ಯಾಯಧೀಶ ಜಸ್ಟಿಸ್ ಬಿ.ಎನ್ ಶ್ರೀಕೃಷ್ಣ ತಿಳಿಸಿದರು.
ಇಂದಿಲ್ಲಿ ಶುಕ್ರವಾರ ಸಂಜೆ ಮಾಟುಂಗಾ ಪೂರ್ವದ ಭಾವುದಾಜಿ ರಸ್ತೆಯಲ್ಲಿನ ಮೈಸೂರು ಅಸೋಸಿಯೇಶನ್ ಮುಂಬಯಿ ಸಭಾಂಗಣದಲ್ಲಿ ಸೃಜನಾ ಬಳಗ ಮುಂಬಯಿ ಆಯೋಜಿಸಿದ್ದ ಕೃತಿಗಳ ಅನಾವರಣ ಮತ್ತು ಕೃತಿ ಸಮೀಕ್ಷೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಜಸ್ಟಿಸ್ ಶ್ರೀಕೃಷ್ಣ ಮಾತನಾಡಿದರು.
ಕಾರ್ಯಕ್ರಮದಲ್ಲಿ ಸೃಜನಾ ಬಳಗ ಮುಂಬಯಿ ಇದರ ಲೇಖಕಿಯರ ಪ್ರಬಂಧ ಸಂಗ್ರಹ `ಮಹಿಳಾ ಜಾನಪದ’ ಕೃತಿ, ಡಾ| ಸುನೀತಾ ಎಂ.ಶೆಟ್ಟಿ ಅವರ ಪ್ರವಾಸ ಕಥನ `ಸಾಗರದಾಚೆಗೆ’ ಕೃತಿ ಹಾಗೂ ಆಂಗ್ಲ ಲೇಖಕಿ ಶಾಲೆಟ್ ಬ್ರಾಂಟಿಯ ರಚಿತ ಶ್ಯಾಮಲಾ ಮಾಧವ ಅವರಿಂದ ಕನ್ನಡಾನುವಾದ `ಜೇನ್ ಏರ್‘ ಅಭಿಜಾತ ಕೃತಿ ಜಸ್ಟಿಸ್ ಶ್ರೀಕೃಷ್ಣ ಅವರು ಸಾರಸ್ವತ ಲೋಕಕ್ಕೆ ಅರ್ಪಿಸಿದರು.
ಮೈಸೂರು ಅಸೋಸಿಯೇಶನ್ ಮುಂಬಯಿ ಸಹಯೋಗದಲ್ಲಿ ಜರುಗಿಸಲ್ಪಟ್ಟ ಕಾರ್ಯಕ್ರಮದಲ್ಲಿ ಸ್ಪಾರೋ ಸಂಸ್ಥೆಯ ಮುಖ್ಯಸ್ಥೆ ಡಾ| ಸಿ.ಎಸ್ ಲಕ್ಷ್ಮೀ ಮುಖ್ಯ ಅತಿಥಿ ಆಗಿದ್ದು, ಡಾ| ಗಿರಿಜಾ ಶಾಸ್ತ್ರಿ ಹಾಗೂ ಪತ್ರಕರ್ತ ದಯಾಸಾಗರ ಚೌಟ ಕ್ರಮವಾಗಿ ಕೃತಿ ಸಮೀಕ್ಷೆಗೈದರು.
ಶ್ಯಾಮಲಾ ಒಳ್ಳೆಯ ಬರೆಯಗಾರ್ತಿ. ಸ್ತ್ರೀ ಪರ ಬರಹಗಳಿಗೆ ಮಹತ್ವ ನೀಡತ್ತಿರುವ ಮಹಿಲಾ ಸಕ್ತ ಲೇಖಕಿ. ಇವರ ಬರಹಾ ಆಸಕ್ತಿ ಇನ್ನೂ ಶಕ್ತಿಯುತವಾಗಿ ಬೆಳೆಯಲಿ ಎಂದು ಡಾ| ಲಕ್ಷ್ಮೀ ಹಾರೈಸಿದರು.
ಸುನೀತಾ ಶೆಟ್ಟಿ ಮಾತನಾಡಿ ಮಹಿಳಾ ಜಾನಪದ ಮತ್ತು ತನ್ನ ಕೃತಿ ಪ್ರವಾಸ ಕಥನ ಬಗ್ಗೆ ಮಾತನಾಡಿ ಹೊಸ ಪರಂಪರೆ ಸೃಷ್ಠಿ ಮಾಡುವಂತ ಹೆಜ್ಜೆಯನ್ನಿರಿಸಿದ್ದೇವೆ. ಕೃತಿ ಬಿಡುಗಡೆ ಬಳಿಕ ಆ ಬಗ್ಗೆ ಸುದ್ದಿ ಮಾಡುವುದಿಲ್ಲ. ಇದನ್ನು ಮನವರಿಸಿ ಕೃತಿಗಳ ಬಗ್ಗೆ ಸಮೀಕ್ಷೆ ನಡೆಸಲುದ್ದೇಶಿಸಿದ್ದೇವೆ. ಇದು ಸಾಂಕೇತಿಕ ಕೃತಿಯ ಸಾಂಕೇತಿಕ ಬಿಡುಗಡೆ ಎಂದರು.
ದಯಾಸಾಗರ್ ಚೌಟ ಮಾತನಾಡಿ ಕೃತಿಕಾರನ ಎದೆಯಂಗಳದಲ್ಲಿ ಕೃತಿ ಮೊದಲಾಗಿ ಹುಟ್ಟುವುದು. ಅನುವಾದ ಎಂದಾಗ ತಪಸ್ಸು ಎಂದಾರ್ಥ. ದುರ್ಗಾಮದ ಹಾದಿಯ ಕೃತಿಯನ್ನು ಅನುವಾದಿಸುವುದೆಂದರೆ ಹಿಮಾಲಯಕ್ಕೇರಿದಂತೆ. ವ್ಯಕ್ತಿ ಕಥನವನ್ನು ಬರೆದ ವ್ಯಕ್ತಿ ಜೇನ್‍ವರ್ ಆಗಿದ್ದರು.
ಅತಿಥಿsಗಳು ನಾರಾಯಣ ಶೆಟ್ಟಿ (ನವೀನ್ ಪ್ರಿಂಟರ್ಸ್), ಡಾ| ಜಿ.ಪಿಕುಸುಮಾ, ದಕ್ಷಾಯಿಣಿ ಯೆಡಹಳ್ಳಿ, ಶಾರದಾ ಎ.ಅಂಚನ್ ಅವರಿಗೆ ಕೃತಿ ಮತ್ತು ಪುಷ್ಫಗುಚ್ಛ ನೀಡಿ ಗೌರವಾರ್ಪಣೆಗೈದರು.
ಸಹ ಸಂಚಾಲಕಿ ವಿೂನಾ ಕಳವಾರ, ಕೋಶಾಧಿಕಾರಿ ಸುಮಾ ದ್ವಾಕರನಾಥ್ ಉಪಸ್ಥಿತರಿದ್ದು, ಸುಶೀಲಾ ಎಸ್.ದೇವಾಡಿಗ ಸ್ವಾಗತ ಗೀತೆಯನ್ನಾಡಿದರು. ಶ್ಯಾಮಲಾ ಮಾಧವ ಕೃತಿಯ ಬಗ್ಗೆ ತಿಳಿಸಿದರು. ದಾಕ್ಷಾಯಿಣಿ ಯೆಡಹಳ್ಳಿ ಪ್ರಸ್ತಾವನೆಗೈದರು. ಶಾಂತಾ ಶಾಸ್ತ್ರೀ ಕಾರ್ಯಕ್ರಮ ನಿರೂಪಿಸಿದರು. ಕಾರ್ಯದರ್ಶಿ ಶಾರದಾ ಅಂಬೆಸಂಗೆ ವಂದನಾರ್ಪಣೆಗೈದರು.
(ಚಿತ್ರ / ವರದಿ: ರೋನ್ಸ್ ಬಂಟ್ವಾಳ್)