ಸುಶೀಲಾ ಎಂ ಸುವರ್ಣ ನಿಧನ

ಮುಂಬೈ : ಮುಂಬೈಯ ಪ್ರಸಿದ್ಧ ನಾಟ್ಯಾಲಯ `ಅರುಣೋದಯ ಕಲಾ ನಿಕೇತನ’ದ ಸ್ಥಾಪಕ ದಿ. ಎಂ ಎನ್ ಸುವರ್ಣರ ಪತ್ನಿ ಸುಶೀಲಾ ಎಂ ಸುವರ್ಣ(82) ಶನಿವಾರ ಮುಂಬೈ ಚೆಂಬೂರಿನ ಸ್ವಗೃಹದಲ್ಲಿ ಹೃದಯಾಘಾತದಿಂದ ನಿಧನ ಹೊಂದಿದರು.

ಮೂಲ್ಕಿ ಹೆಜ್ಮಾಡಿ ಮೂಲದ ಇವರು ಪಿಟೀಲು ಮತ್ತು ವೀಣೆಯಲ್ಲಿ ಪಾರಂಗತರಾಗಿದ್ದು, ಅರುಣೋದಯದ ಮೂಲಕ ನೂರಾರು ವಿದ್ಯಾರ್ಥಿಗಳಿಗೆ ಗುರುವಾಗಿದ್ದರು. ಮೃತರು ಐವರು ಪುತ್ರರು, ಓರ್ವ ಪುತ್ರಿ, ಸಮಾಜಸೇವಕ ಶ್ರೀಯಾನ್ ನಾವುಂದ(ಅಳಿಯ) ಸೇರಿದಂತೆ ಅಪಾರ ವಿದ್ಯಾರ್ಥಿಗಳು, ಬಂಧು-ಮಿತ್ರರನ್ನು ಅಗಲಿದ್ದಾರೆ.