ಅಪರಿಚಿತ ಗಾಯಾಳು ಗಂಭೀರ; ಸಂಪರ್ಕಿಸಲು ಮನವಿ

ಉಡುಪಿ: ಬೊರ್ಡು ಹೈಸ್ಕೂಲು ಸನಿಹದ, ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಛೇರಿ ಜುಗುಲಿಯ ಮೇಲೆ, ಮೂರ್ಛೆ ಬಂದು, ಅಸ್ವಸ್ಥಗೊಂಡು ಬಿದ್ದುಕೊಂಡಿದ್ದ ಅಪರಿಚಿತ ವ್ಯಕ್ತಿಯನ್ನು ಸಮಾಜಸೇವಕರಾದ ನಿತ್ಯಾನಂದ ಒಳಕಾಡು, ತಾರಾನಾಥ್ ಮೇಸ್ತ ಶಿರೂರು ಅವರು, ರಕ್ಷಿಸಿ ಅಜ್ಜರಕಾಡು ಜಿಲ್ಲಾಸ್ಪತ್ರೆಗೆ ದಾಖಲುಪಡಿಸಿದ ಘಟನೆ ಶನಿವಾರ ಸಂಜೆ ನಡೆದಿದೆ.

ಗಾಯಾಳುವಿಗೆ ತಲೆ ಭಾಗಕ್ಕೆ ಗಾಯ ಆಗಿರುವುದು ಕಂಡು ಬಂದಿದೆ. ವ್ಯಕ್ತಿಯು ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ಕಾರಣದಿಂದ ವಿಳಾಸ ತಿಳಿದು ಬಂದಿಲ್ಲ. ಚಿಕ್ಕಮಗಳೂರಿನ ಶಿವಾನಂದ(43ವ) ಎಂದು ಸ್ಥಳಿಯರು ಶಂಕಿಸಿದ್ದಾರೆ. ಗಾಯಾಳುವಿನ ಆರೋಗ್ಯ ಸ್ಥಿತಿ ಗಂಭೀರ ಆಗಿರುವುದರಿಂದ, ವಾರುಸುದಾರರು ತುರ್ತಾಗಿ ಜಿಲ್ಲಾಸ್ಪತ್ರೆಯ ನಾಗರಿಕ ಸಹಾಯ ಕೇಂದ್ರವನ್ನು ಸಂಪರ್ಕಿಸುವಂತೆ, ಗಾಯಾಳು ದಾಖಲುಪಡಿಸಿದ ಸಮಾಜಸೇವಕರು ತಿಳಿಸಿದ್ದಾರೆ.