ಬಂಟ್ವಾಳ: ಕುಡಾಳ್ ದೇಶಸ್ಥ ಆದ್ಯ ಗೌಡ್ ಬ್ರಾಹ್ಮಣ ಸಮಾಜದ ಶ್ರೀ ಮಠ್ ಸಂಸ್ಥಾನ್ ದಾಭೋಲಿಯ ಕಿರಿಯ ಶ್ರೀ ದತ್ತಾನಂದ ಸರಸ್ವತಿ ಸ್ವಾಮೀಜಿ ಅವರು ಮೇ 20 ರಿಂದ ದ.ಕ.ಜಿಲ್ಲಾ ಪರ್ಯಟನೆ ಮಾಡುತ್ತಿದ್ದು, ಮೇ 26 ಶುಕ್ರವಾರ ಬೆಳಗ್ಗೆ ಬಂಟ್ವಾಳ ತಾಲೂಕಿನ ವಾಮದಪದವು ಪಾಂಗಲ್ಪಾಡಿ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಕ್ಕೆ ಭೇಟಿ ನೀಡಿದರು. ಬಳಿಕ ಇಲ್ಲಿನ ಸಮುದಾಯ ಭವನದಲ್ಲಿ ಸಮಾಜ ಬಾಂಧವರಿಗೆ ಆಶೀರ್ವಚನ ನೀಡಿದರು. ಈ ಸಂದರ್ಭದಲ್ಲಿ ಶ್ರೀಮದ್ ಪೂರ್ಣಾನಂದ ಸ್ವಾಮಿ ಮಹಾರಾಜ್ ಅವರ ಪಾದುಕಾ ಪೂಜೆ ನಡೆಯಿತು.
ಶ್ರೀಮಠ್ ಸಂಸ್ಥಾನ್ ದಾಭೋಲಿಯ ಸಂಜೀವಿನಿ ಸಮಾಧಿಸ್ಥ ಮಠಾಧೀಶ ಶ್ರೀಮದ್ ಪೂರ್ಣಾನಂದ ಸ್ವಾಮಿ ಮಹಾರಾಜ್ ಅವರ ಪವಿತ್ರ ಪಾದುಕೆಗಳೊಂದಿಗೆ ಶ್ರೀ ದತ್ತಾನಂದ ಸರಸ್ವತಿ ಸ್ವಾಮೀಜಿ ಆಗಮಿಸಿದ್ದು, ಅವರನ್ನು ಕರ್ಪೆ,ಸಂಗಬೆಟ್ಟು,ವಾಮದಪದವು ಸಮಾಜ ಬಾಂಧವರು ಪೂರ್ಣಕುಂಭ ಸ್ವಾಗತ, ಗೌರವಾರ್ಪಣೆ ಮಾಡಿದರು. ಈ ಸಂದರ್ಭದಲ್ಲಿ ಡಿ.ರಮೇಶ್ ನಾಯಕ್ ಮೈರಾ,ಎಂ.ಎಂ.ಪ್ರಭು ಮಂಗಳೂರು,ಗಣಪತಿ ಶೆಣೈ ಡೆಚ್ಚಾರ್, ನಿತ್ಯಾನಂದ ಭಟ್ ಬರೆಪ್ಪಾಡಿ,ಡಾ. ವಿಜಯಲಕ್ಷ್ಮೀ ನಾಯಕ್, ಪ್ರಭಾಕರ ಪ್ರಭು ನಡಿಬೈಲು, ರವೀಂದ್ರ ನಾಯಕ್ ಬೋಳಂಗಡಿ, ರವೀಂದ್ರ ಪ್ರಭು ಅರಮನೆ,ಗಣಪತಿ ನಾಯಕ್ ದೇವರಮನೆ,ರವೀಂದ್ರ ನಾಯಕ್ ಕಿನ್ನಾಜೆ,ಶಶಿಧರ ಶೆಣೈ,ವಿದ್ಯಾಧರ ಪ್ರಭು ದೋಟ,ಗಣೇಶ್ ಪ್ರಭು ಓಮ,ಪ್ರಭಾಕರ ಪ್ರಭು ಬಸ್ತಿಕೋಡಿ,ಮುರಳಿಧರ ಪ್ರಭು,ರಾಮರಾಯ ಪ್ರಭು,ಸದಾಶಿವ ಪ್ರಭು ನಯನಾಡು, ಪ್ರಕಾಶ್ ಪ್ರಭು ಗುಂಡಿದಡ್ಡ, ನವೀನ ಶೆಣೈ ಮೂರ್ಜೆ, ವಿಶ್ವನಾಥ ನಾಯಕ್ ಪರಾರಿ, ಸುಜಯ ಪ್ರಭು ಓಮ,ಪುರಂದರ ನಾಯಕ್ ವಾಮದಪದವು, ದಿನೇಶ್ ನಾಯಕ್,ರಾಜೇಶ್ ನಾಯಕ್ ಬಿಲ್ಲಾಡಿ,ಶಿವರಾಮ ನಾಯಕ್, ರಾಘವೇಂದ್ರ ಪ್ರಭು, ಸದಾಶಿವ ನಾಯಕ್, ಗಣೇಶ್ ಪ್ರಭು ಭವಂತಬೆಟ್ಟು,ವಾಮದಪದವು ಪೂರ್ಣಾನಂದ ಕ್ರಿಕೆಟರ್ಸ್‍ನ ಪದಾಧಿಕಾರಿಗಳು ಇದ್ದರು.
ನಂತರ ಪಾಂಗಲ್ಪಾಡಿ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನದ ಸಮುದಾಯ ಭವನದಲ್ಲಿ ಸಾಮೂಹಿಕ ಪಾದುಕಾ ಪೂಜನಾ, ಶ್ರೀಗಳಿಂದ ಆಶೀರ್ವಚನ,ಗುರು ಸಮಾರಾಧನೆ,ಮಹಾ ಪ್ರಸಾದ, ವಿಶೇಷ ಪಾದುಕಾ ಪೂಜನಾ ನಡೆಯಿತು.
ಶ್ರೀ ದತ್ತಾನಂದ ಸರಸ್ವತಿ ಸ್ವಾಮೀಜಿ ಅವರ ಆಶೀರ್ವಚನ:
ನಮಗೆ ಏನು ಬೇಕು ಎಂಬುದು ಭಗವಂತನಿಗೆ ತಿಳಿದಿದೆ.ಅದುದರಿಂದ ನಿಮ್ಮ ನಿಮ್ಮ ಕರ್ತವ್ಯವನ್ನು ಮಾಡಿ ಫಲವನ್ನು ಭಗವಂತ ಕೊಟ್ಟೆ ಕೊಡುತ್ತಾನೆ.ಸಂತ ಜ್ಞಾನ ದೇವ ಹೇಳಿದಂತೆ ವಿಶ್ವದ ಮಂಗಲವನ್ನು ಅಪೇಕ್ಷಿಸುವ ಎಂದು ಹೇಳುತ್ತಾ ಶ್ರೀ ಪೂರ್ಣಾನಂದ ಸ್ವಾಮಿಗಳು ಶುಭವನ್ನು ಅನುಗ್ರಹಿಸಲಿ ಎಂದು ಕುಡಾಳ್ ದೇಶಸ್ಥ ಆದ್ಯ ಗೌಡ್ ಬ್ರಾಹ್ಮಣ ಸಮಾಜದ ಶ್ರೀ ಮಠ್ ಸಂಸ್ಥಾನ್ ದಾಭೋಲಿಯ ಕಿರಿಯ ಶ್ರೀ ದತ್ತಾನಂದ ಸರಸ್ವತಿ ಸ್ವಾಮೀಜಿ ಆಶೀರ್ವಚನ ನೀಡಿದರು.