ಹಾವೇರಿ:  ಚ್ಯೂಯಿಂಗಮ್ ತಿಂದು ಬಾಲಕಿ ಮೃತ್ಯು

ಹಾವೇರಿ: ಚ್ಯೂಯಿಂಗಮ್ ಗಂಟಲಲ್ಲಿ ಸಿಲುಕಿಕೊಂಡ ಪರಿಣಾಮ  ಬಾಲಕಿಯೋರ್ವಳು ಮೃತಪಟ್ಟಿರುವ ದಾರುಣ ಘಟನೆ ತಾಲೂಕಿನ ಗುತ್ತಲ ಗ್ರಾಮದಲ್ಲಿ  ನಡೆದಿದೆ.

ಗೌರಮ್ಮ ಗಂಗಣ್ಣನವರ್ (14) ಮೃತಪಟ್ಟ ಬಾಲಕಿ ಎಂದು ಗುರುತಿಸಲಾಗಿದೆ.

ಗೌರಮ್ಮ ರಾತ್ರಿ ಊಟ ಮಾಡಿ ಎರಡು ಚ್ಯೂಯಿಂಗಮ್ ಜಗಿದು ನಿದ್ರೆಗೆ ಜಾರಿದ ಪರಿಣಾಮ ಗಂಟಲಲ್ಲಿ ಸಿಲುಕಿಕೊಂಡಿದ್ದು, ಉಸಿರಾಟದ ತೊಂದರೆಯಿಂದ ರಕ್ತ ವಾಂತಿ ಮಾಡಿಕೊಂಡಿದ್ದಳೆ. ಕೂಡಲೇ ಗೌರಮ್ಮಳನ್ನು ಸಮೀಪದ ಆರೋಗ್ಯ ಕೇಂದ್ರಕ್ಕೆ ದಾಖಲಿಸಿ ಬಳಿಕ ಹೆಚ್ಚಿನ ಚಿಕಿತ್ಸೆಗೆ ಒಳಪಡಿಸಲು ಜಿಲ್ಲಾಸ್ಪತ್ರೆಗೆ ಕೊಂಡೊಯ್ಯುತ್ತಿದ್ದ ವೇಳೆ ಮೃತಪಟ್ಟಿದ್ದಾಳೆ ಎಂದು ತಿಳಿದು ಬಂದಿದೆ.