ಬಂಟ್ವಾಳ: ರಾಷ್ಟ್ರೀಯ ಹೆದ್ದಾರಿಯ ಬಳಿ ಪಾಣೆಮಂಗಳೂರಿನಲ್ಲಿರುವ ಕಲ್ಲುರ್ಟಿ ದೈವಸ್ಥಾನಕ್ಕೆ ದುಷ್ಕರ್ಮಿಗಳು ಶನಿವಾರ ಗೋ ಮಾಂಸ ಎಸೆದಿರುವುದನ್ನು ಖಂಡಿಸಿರುವ ಹಿ.ಜಾ.ವೇ.ಪ್ರಮುಖರು ಈ ಕ್ರತ್ಯಗೈದವರಿಗೆ ಶಿಕ್ಷೆ ನೀಡುವಂತೆ ದೈವಸ್ಥಾನದ ಮುಂದೆ ಸಾಮೂಹಿಕ ಪ್ರಾರ್ಥನೆಗೈದರು.
ಬೆಳಗಿನ ಜಾವ ದಿನಪತ್ರಿಕೆ ಹಾಕುವ ವ್ಯಕ್ತಿಯೊರ್ವರು ಪತ್ರಿಕೆ ಹಾಕಲು ಬಂದಾಗ ದೈವಸ್ಥಾನದ ಮೆಟ್ಟಲಲ್ಲಿ ಕಟ್ಟೊಂದು ಕಂಡು ಬಂದಿತ್ತು.ತಕ್ಷಣ ಪರಿಶೀಲಿಸಿದಾಗ ಗೋಮಾಂಸವಾಗಿತ್ತು.ಕೂಡಲೇ ಅವರು ಸ್ಥಳೀಯರಿಗೆ ತಿಳಿಸಿದ್ದು ,ಅರ್ಚಕರು ಸ್ಥಳಕ್ಕೆ ಆಗಮಿಸಿ ದೈವಸ್ಥಾನದ ಶುಚಿತ್ವದ ದೃಷ್ಟಿಯಿಂದ ಕೂಡಲೇ ಸ್ಥಳ ಸ್ವಚ್ಚ ಗೊಳಿಸಿದರು.
ಸ್ಥಳೀಯರಿಂದ ಈ ವಿಚಾರ ಹರಡುತ್ತಿದ್ದಂತೆ ಕಲ್ಲುರ್ಟಿ ತಾಯಿಯ ಭಕ್ತರಿಂದ ಆಕ್ರೋಶ ವ್ಯಕ್ತವಾಗಿತ್ತು .
ಈ ಕ್ರೂರ ಕೃತ್ಯವನ್ನು ಮಾಡಿದವರಿಗೆ ತಕ್ಕ ಶಿಕ್ಷೆಯನ್ನು ತಾಯಿ ಕಲ್ಲುರ್ಟಿಯೇ ನೀಡಬೇಕೆಂದುಹಿಂದು ಜಾಗರಣಾ ವೇದಿಕೆ ಪ್ರಮುಖರು,ಕಾರ್ಯಕರ್ತರು,ಭಕ್ತರು ದೈವಸ್ಥಾನದ ಮುಂದೆ ಪ್ರಾರ್ಥನೆ ಸಲ್ಲಿಸಿದರು.ಹಿಂದು ಜಾಗರಣ ವೇದಿಕೆ ರಾಜ್ಯ ಕಾರ್ಯಕಾರಿಣ ಸದಸ್ಯ ರಾಧಾಕೃಷ್ಣ_ಅಡ್ಯಂತಾಯ,ವಿಭಾಗ ಸಂಚಾಲಕರಾದ ರವಿರಾಜ ಬಿ.ಸಿ.ರೋಡ್,ತಾಲೂಕು ಸಂಚಾಲಕರಾದ_ಗಣರಾಜ_ಭಟ್_ಕೆದಿಲ.ಮಧುರಾ_ಭಟ್.ಪುರುಷೋತ್ತಮ_ಕಲ್ಲಡ್ಕ.ಆತ್ರೇಯ. ಮೊದಲಾದವರಿದ್ದರು. ಕಳೆದ ಹಲವು ಸಮಯಗಳಿಂದ ಹಿಂದು ವಿರೋಧಿ ಕ್ರತ್ಯಗಳು ನಡೆಯತ್ತಿದ್ದು,ಇದೀಗ ದೈವಸ್ಥಾನಕ್ಕೆ ಗೋಮಾಂಸ ಎಸೆಯುವ ಮೂಲಕ ದುಷ್ಕರ್ಮಿಗಳು ಅಶಾಂತಿ ಸ್ರಷ್ಟಿಸಲು ಯತ್ನಿಸಿದ್ದಾರೆ ಎಂದು ಆರೋಪಿಸಲಾಗಿದೆ.
