ಟೋಕಿಯೋ: ಜಪಾನ್ ದೇಶದ ಈಶಾನ್ಯಭಾಗದಲ್ಲಿ ಮಂಗಳವಾರ 6.9 ತೀವ್ರತೆಯ ಭೂಕಂಪ ಸಂಭವಿಸಿದೆ. ಕಂಪನದಿಂದಾಗಿ ಪುಟ್ಟ ಸುನಾಮಿಯೂ ಅಪ್ಪಳಿಸಿದೆ. ಆದರೆ, ಕೆಲ ಕಡೆ ಸಣ್ಣಪುಟ್ಟ ಗಾಯಗಳಾಗಿದ್ದು ಬಿಟ್ಟರೆ ದೊಡ್ಡ ಪ್ರಮಾಣದಲ್ಲಿ ಹಾನಿಯಾದ ಬಗ್ಗೆ ವರದಿಗಳು ಬಂದಿಲ್ಲ.
ಫುಕುಶಿಮಾ ನಗರದಾಚೆಯ ಸಾಗರದಲ್ಲಿ 11.3 ಕಿಮೀ ಆಳದಲ್ಲಿ ಕಂಪನದ ಕೇಂದ್ರವಿತ್ತು. ಭೂಕಂಪದ ಬಳಿಕ ಅಧಿಕಾರಿಗಳು 3 ಮೀಟರ್ ಎತ್ತರದ ಸುನಾಮಿ ಅಲೆ ಏಳಬಹುದೆಂದು ಮೊದಲೇ ಎಚ್ಚರಿಸಿದ್ದರು. ಆದರೆ, ಈಶಾನ್ಯಭಾಗದ ತೀರದಲ್ಲಿ ಅಪ್ಪಳಿಸಿದ ಸುನಾಮಿ ಕೆಲ ಕಡೆ 1.4 ಮೀ.(4.6 ಅಡಿ) ಎತ್ತರ ಇತ್ತಾದರೂ ಸರಾಸರಿಯಾಗಿ 1 ಮೀಟರ್ ಎತ್ತರವಿತ್ತೆನ್ನಲಾಗಿದೆ.
ಸಾಗರ ತೀರದ ಸಮೀಪದಲ್ಲೇ ಇರುವ ಫುಕುಶಿಮಾ ಪರಮಾಣು ವಿದ್ಯುತ್ ಘಟಕದ ಮೇಲೆ ಸುನಾಮಿ ಅಲೆ ಅಪ್ಪಳಿಸಿತು ಎಂಬ ವರದಿ ಬಂದಿದೆ. ಆದರೆ, ಘಟಕದ ಕಲುಷಿತ ನೀರು ಸುನಾಮಿ ಅಲೆಯೊಂದಿಗೆ ಸಾಗರಕ್ಕೆ ಸೇರಿಕೊಂಡಿರುವುದು ಆತಂಕಕಾರಿ ಎನಿಸಿದೆ ಎಂದು ಜಪಾನ್ ಅಧಿಕಾರಿಗಳ ಹೇಳಿದ್ದಾರೆ. ಜಪಾನ್ ದೇಶದಲ್ಲಿ ಭೂಕಂಪಗಳು ಸಂಭವಿಸುವುದು ಸಾಮಾನ್ಯ ವಿಷಯ. ಆದರೆ, 2011ರಲ್ಲಿ ಇಲ್ಲಿ ಅಪ್ಪಳಿಸಿದ ಭೀಕರ ಸುನಾಮಿಗೆ 18 ಸಾವಿರಕ್ಕೂ ಹೆಚ್ಚು ಜನರು ಬಲಿಯಾಗಿದ್ದರು.
ಕೃಪೆ: ಸುವರ್ಣ ನ್ಯೂಸ್