ಮುಂಬೈ: ಶಿಕ್ಷಣ ಕ್ಷೇತ್ರದಲ್ಲಿ ಅತ್ಯುನ್ನತ ಶಿಖರವನ್ನೇರಿ, ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಸಮೂಹ ವಿದ್ಯಾ ಸಂಸ್ಥೆಗಳ ಅಂಗ ಸಂಸ್ಥೆಯಾದ ಸೈಂಟ್- ಕ್ಸೇವಿಯರ್ಸ್ ಹೈಸ್ಕೂಲ್ ಬೊರಿವಲಿ(ಪೂ) ಇಲ್ಲಿವ ವಿದ್ಯಾರ್ಥಿಗಳು ದೀಪಾವಳಿ ಹಬ್ಬದ ಪ್ರಯುಕ್ತ ವಿಶೇಷ ಲಾಟೀನು ಪ್ರದರ್ಶನವನ್ನು ಶಾಲೆಯ ಸಂಚಾಲಕರಾದ ಡಾ| ಅಗಸ್ಟಿನ್ ಫ್ರಾನ್ಸಿಸ್ ಪಿಂಟೋ ಹಾಗೂ ಆಡಳಿತ ನಿರ್ದೇಶಕಿ, ಶಿಕ್ಷಣ ತಜ್ಞ ಮೇಡಂ ಗ್ರೇಸ್ ಪಿಂಟೋರವರ ದಕ್ಷ ಮಾರ್ಗದರ್ಶನದಲ್ಲಿ ಯಶಸ್ವಿಯಾಗಿ ನೆರವೇರಿಸಿದರು.
ವಿಭಿನ್ನ ಶೈಲಿಯ ಹಾಗೂ ಬಣ್ಣ ಬಣ್ಣದ ವಿಶೇಷ ಲಾಟೀನುಗಳನ್ನು ವಿದ್ಯಾರ್ಥಿಗಳು ಸ್ಫೂರ್ತಿಯಿಂದ ರಚಿಸಿ ಪ್ರದರ್ಶಿಸಿದರು. ಶಾಲಾ ಮುಖ್ಯ ಅಧ್ಯಾಪಿಕೆ ಮಾರಿಯೆಟ್ ಫೆರ್ನಾಂಡಿಸ್ ವಿಜೇತ ವಿದ್ಯಾರ್ಥಿಗಳನ್ನು ಅಭಿನಂದಿಸಿದರು.