ತೃಕ್ಕರೀಪುರ: ಚಂದೇರ ಪೊಲೀಸ್ ಠಾಣೆ ಬಳಿಯ ಮನೆಯೊಂದರ ಟೆರೇಸ್ ಮೇಲೆ ಸೋಮವಾರ ಬೆಳಗ್ಗೆ ಎರಡು ಸ್ಟೀಲ್ ಬಾಂಬ್ ಪತ್ತೆಯಾಗಿದೆ. ಕೊಲ್ಲಿ ರಾಷ್ಟ್ರ ಉದ್ಯೋಗಿ ಯಾಗಿರುವ ಎಂ.ಕೆ.ಮೊಹಮ್ಮದ್ ಕುಂಞಿ ಅವರ ಮನೆಯ ಟೆರೇಸ್ನಲ್ಲಿ ಈ ಬಾಂಬ್ಗಳು ಪತ್ತೆಯಾಗಿದೆ.
ಮೊಹಮ್ಮದ್ಕುಂಞಿ ಕೊಲ್ಲಿರಾಷ್ಟ್ರದಲ್ಲಿದ್ದು, ಪತ್ನಿ ಮತ್ತು ಮಕ್ಕಳು ಬೆಂಗಳೂರಿನಲ್ಲಿ ವಾಸವಾಗಿದ್ದಾರೆ. ಇದರಿಂದ ಮನೆಗೆ ಬೀಗ ಜಡಿದಿದೆ. ಎರಡು ವಾರಗಳಿಗೊಮ್ಮೆ ಮೊಹಮ್ಮದ್ಕುಂಞಿ ಅವರ ಸಹೋದರಿ ಮನೆಗೆ ಬಂದು ನೋಡಿ ತೆರಳುತ್ತಿದ್ದರು. ಈ ಮಧ್ಯೆ ಸೋಮವಾರ ಬೆಳಗ್ಗೆ ಮನೆಯ ಟೆರೇಸ್ ಮೇಲೆ ಪೈಂಟ್ನ ಡಬ್ಬದೊಳಗೆ ಮರಳು ತುಂಬಿಸಿ ಅದರಲ್ಲಿ ಬಾಂಬ್ಗಳನ್ನು ಇಟ್ಟಿರುವುದು ಗಮನಕ್ಕೆ ಬಂದಿತ್ತು. ಕೂಡಲೇ ಚಂದೇರಾ ಪೊಲೀಸ್ ಠಾಣಾಗೆ ಮಾಹಿತಿ ನೀಡಲಾಯಿತು. ನಂತರ ಪೊಲೀಸರು ಬಾಂಬ್ ನಿಷ್ಕ್ರೀಯ ದಳ ಸ್ಥಳಕ್ಕೆ ಆಗಮಿಸಿ ತನಿಖೆಗೆ ಕೈಗೊಂಡಿದೆ.
