ಮೂಡುಬಿದರೆ: ಸಾಂಗತ್ಯ ಕವಿ ರತ್ನಾಕರವರ್ಣೀಯ 500 ವರ್ಷಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಲು ಮೂಡುಬಿದರೆ ಧವಲತ್ರಯ ಟ್ರಸ್ಟ್ ಯೋಜನೆಯನ್ನು ರೂಪಿಸಲಾಗಿದೆ. ಈ ಪ್ರಯುಕ್ತ ರತ್ನಾಕರವರ್ಣಿ ರಾಜ್ಯಮಟ್ಟದ ಸಾಹಿತ್ಯ ಅಭಿಯಾನಕ್ಕೆ ಫೆ.8ರಂದು ಮಧ್ಯಾಹ್ನ 3ಗಂಟೆಗೆ ಚಾಲನೆ ನೀಡಲಾಗುವುದು ಎಂದು ಮೂಡುಬಿದರೆ ಜೈನಮಠದ ಶ್ರೀಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯವರ್ಯ ಸ್ವಾಮೀಜಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಜಂಗಲ್ವಾಲೆ ಬಾಬ ಚಿನ್ಮಯ ಮುನಿಸಾಗರ ಸ್ವಾಮೀಜಿ ಅಭಿಯಾನಕ್ಕೆ ಚಾಲನೆ ನೀಡಿ ಆಶೀವರ್ಚನ ನೀಡಲಿದ್ದಾರೆ.
ವಿಧ್ವಾಂಸ ಮೂಡಂಬೈಲು ಗೋಪಾಲಕೃಷ್ಣ ಶಾಸ್ತ್ರೀ ಮುಖ್ಯ ಭಾಷಣಕಾರರಾಗಿರುವ ಎಂದರು.
ಪ್ರಮುಖ ವಿಧ್ವಾಂಸರ ಜೊತೆ ಚರ್ಚಿಸಿ ಪ್ರತಿ ಜಿಲ್ಲಾ ಕೇಂದ್ರ ಅಥವಾ ಶೈಕ್ಷಣಿಕ ಅಥವಾ ಸಾಹಿತಿಕ ಕೇಂದ್ರ ಅಥವಾ ಎರಡು ಮೂರು ಜಿಲ್ಲೆಗಳಿಗೆ ಒಂದು ಕೇಂದ್ರವಾಗಿಟ್ಟು ಸಾಹಿತ್ಯದ ವಿವಿಧ ಕಾರ್ಯಕ್ರಮ ವರ್ಷವಿಡೀ ಹಮ್ಮಿಕೊಳ್ಳಲಾಗುವುದು. ಕೃತಿ, ಕೀರ್ತನೆಗಳನ್ನು ಸಾಹಿತಿಕ ಪ್ರಚಾರ-ಪ್ರಸಾರವನ್ನು ನೀಡುವ ನಿಟ್ಟಿನಲ್ಲಿ ಈ ಯೋಜನೆ ಕೈಗೊಳ್ಳಲಾಗಿದೆ ಎಂದರು.
ಮಠದ ವ್ಯವಸ್ಥಾಪಕ ಸಂಜಯಂತ್ ಕುಮಾರ್ ಉಪಸ್ಥಿತರಿದ್ದರು.