ಬಡಗಬೆಳ್ಳೂರು ಗ್ರಾಮಪಂಚಾಯತ್ ಬಾಲಿಕೆಬಟ್ಟಾಜೆ ವಾರ್ಡ್ನ ಒಂದು ಸ್ಥಾನಕ್ಕೆ ಉಪಚುನಾವಣೆ ನಡೆದು, ಇಂದು ಫಲಿತಾಂಶ ಹೊರಬಿದ್ದಿದೆ. ಬಿಜೆಪಿ ಗೆಲುವಿನ ವಿಜಯಪತಾಕೆ ಹಾರಿಸಿದೆ. ಈ ಗ್ರಾಮದಲ್ಲಿ ಒಟ್ಟು 13 ವಾರ್ಡ್ಗಳಿದ್ದು, ಇದರಲ್ಲಿ ಈಗಾಗಲೇ ಬಿಜೆಪಿ 9 ಸ್ಥಾನಗಳಲ್ಲಿ ಗೆದ್ದಿದ್ದು, ಕಾಂಗ್ರೆಸ್ 4 ಸ್ಥಾನಗಳನ್ನು ಪಡೆದಿದೆ. ಆದರೆ ಕಾಂಗ್ರೆಸ್ನ ಎಂ.ಎ ಹಾಜಬ್ಬ ಅವರ ಮರಣ ನಂತರ ಒಂದು ಸ್ಥಾನ ತೆರವುಗೊಂಡಿದೆ. ಇದೀಗ ಆ ಸ್ಥಾನಕ್ಕೆ ಉಪಚುನಾವಣೆ ನಡೆದಿದೆ. ಬಡಗಬೆಳ್ಳೂರು ಮೋಹನ್ ದಾಸ್ ಕೊಟ್ಟಾರಿ ಗೆಲುವು ಸಾಧಿಸಿದ್ದಾರೆ. 477 ಮತಗಳನ್ನು ಪಡೆದು ಕಾಂಗ್ರೆಸ್​​​ ತೆಕ್ಕೆಯಲ್ಲಿದ್ದ ಬಾಲಿಕೆಬಟ್ಟಾಜೆ ವಾರ್ಡ್ನ ಬಿಜೆಪಿ ತನ್ನದಾಗಿಸಿದೆ. ಇದೀಗ ಬಿಜೆಪಿ 13 ವಾರ್ಡ್​ಗಳಲ್ಲಿ 10 ವಾರ್ಡ್​​​ ಬಿಜೆಪಿ ಪಾಲಾಗಿದೆ. ಕಾಂಗ್ರೆಸ್​​​​​ ತಾನು ಗೆದ್ದಿದ್ದ ವಾರ್ಡ್​​ನನ್ನು ಕಳೆದುಕೊಂಡಿದೆ. ಬಾಲಿಕೆಬಟ್ಟಾಜೆ ವಾರ್ಡ್​​​ನಲ್ಲಿ 950 ಮತಗಳು ನಡೆದಿದೆ. ಅದರಲ್ಲಿ ಬಿಜೆಪಿ 477 ಮತ ಹಾಗೂ ಕಾಂಗ್ರೆಸ್​​ 459 ಮತಗಳನ್ನು ಪಡೆದಿದೆ.

ನ.23ಕ್ಕೆ ಬಡಗಬೆಳ್ಳೂರು ಗ್ರಾಮಪಂಚಾಯತ್ನ ಈ ಒಂದು ಸ್ಥಾನಕ್ಕೆ ಉಪಚುನಾವಣೆ ನಡೆದಿದೆ. ಕಾಂಗ್ರೆಸ್ನಿಂದ ಮಹಮ್ಮದ್ ಸುಲೇಮಾನ್ ಹಾಗೂ ಬಿಜೆಪಿಯಿಂದ ಮೋಹನ್ ದಾಸ್ ಕೊಟ್ಟಾರಿ ಸ್ಪರ್ಧಿಸಿದರು. ಈ ಮೂಲಕ ಕಾಂಗ್ರೆಸ್ – ಬಿಜೆಪಿ ನೇರ ಹಣಾಹಣಿ ನಡೆದಿತ್ತು. ಇನ್ನು ಈ ಗ್ರಾಮಪಂಚಾಯತ್ನಲ್ಲಿ 1380 ಮತದಾರರಿದ್ದು, ಅದರಲ್ಲಿ ಪುರುಷರು ಒಟ್ಟು 657 ಹಾಗೂ ಮಹಿಳೆಯರು 723 ಮತದಾರರಿದ್ದಾರೆ. ಇದೀಗ ಒಂದು ಸ್ಥಾನಕ್ಕೆ ಭಾರೀ ಪೈಪೋಟಿ ನಡೆದಿದೆ. ಬಡಗಬೆಳ್ಳೂರು ಬಾಲಿಕೆಬಟ್ಟಾಜೆ ವಾರ್ಡ್ನಲ್ಲಿ ಉಪಚುನಾವಣೆ ನಡೆಯಿತು.