ಒಂದು ಗ್ರಾಮದಲ್ಲಿ ಅಥವಾ ರಾಜ್ಯದಲ್ಲಿ, ದೇಶದಲ್ಲಿ ಜನರು ಶಾಂತಿ ನೆಮ್ಮದಿಯಿಂದ ಬದುಕಬೇಕಾದರೆ, ಅಲ್ಲಿನ ಪ್ರತಿಯೊಂದು ಧರ್ಮ, ಜಾತಿ ಎಲ್ಲರೂ ಕೂಡ ಒಗ್ಗೂಟಿನಿಂದ, ವಿಶ್ವಾಸದಿಂದ ಬದುಕ ಬೇಕು. ಆದರೆ ಅಲ್ಲಿ ಒಬ್ಬ ಜಾತಿ ಧರ್ಮದ ವಿಷ ಬೀಜ ಬಿತ್ತಿದರೆ, ಆ ಗ್ರಾಮದ ನೆಮ್ಮದಿ ಕೆಟ್ಟೋಗುತ್ತದೆ. ಇದೀಗ ಇಂತಹದೇ ಸನ್ನಿವೇಶ ಬಂಟ್ವಾಳ ತಾಲೂಕಿನ ಕರಿಯಂಗಳ ಗ್ರಾಮದಲ್ಲಿ ನಡೆದಿದೆ. ಆತ ಮಾಡಿದ ಒಂದು ಅಕ್ರಮ ಕೆಲಸದಿಂದ ಜಾತಿ, ಧರ್ಮ, ಭೇದ ಮರೆತು ಸೌಹಾರ್ದಯುತವಾಗಿ ಜೀವನ ನಡೆಸುತ್ತಿರುವ ಈ ಪ್ರದೇಶ ಜನರ ಭಾವನೆಗೆ ಧಕ್ಕೆ ತಂದಿದ್ದಾನೆ.

ಇದನ್ನೂ ಓದಿ: ಮಂಗಳೂರು: ಹಳೆ ದ್ವೇಷಕ್ಕೆ ರೌಡಿಶೀಟರ್ ಸಮೀರ್​​ನನ್ನು ಅಟ್ಟಾಡಿಸಿಕೊಂಡು ಹೋಗಿ ಹತ್ಯೆ ಮಾಡಿದ ದುಷ್ಕರ್ಮಿಗಳು

ಕರಿಯಂಗಳ ಗ್ರಾಮದ ಉಸ್ಮಾನ್ ಎಂಬ ಮುಸ್ಲಿಂ ವ್ಯಕ್ತಿ ಪಂಚಾಯತ್​​​ ಹಾಗೂ ತಾಲೂಕಿನ ಅನುಮತಿ ಪಡೆಯದೇ, ತನ್ನ ಜಮೀನಿನಲ್ಲಿರುವ ಹಳೇ ಮನೆಯಲ್ಲಿ ಅಕ್ರಮ ಕಸಾಯಿಖಾನೆಯನ್ನು ನಡೆಸುತ್ತಿದ್ದು, ತನ್ನ ಜಾನುವಾರುಗಳನ್ನು ಆಸು-ಪಾಸಿನವರ ಕೃಷಿಕರ ಗದ್ದೆಗಳಿಗೆ ಬಿಟ್ಟು ಮೇಯಿಸುತ್ತಿದ್ದ ಎಂದು ಹೇಳಲಾಗಿದೆ. ಜತೆಗೆ ಅಲ್ಲಿನ ಜನರಿಗೆ ಕಿರುಕುಳ ನೀಡುವುದು ಹಾಗೂ ಅವ್ಯಾಚ್ಯ ಶಬ್ದಗಳಿಂದ ನಿಂದಿಸಿ, ಅವನ ವಿರುದ್ಧ ಮಾತನಾಡಿದ ಜನರ ಮೇಲೆ ಸುಳ್ಳು ಕೇಸ್​​ಗಳನ್ನು ಹಾಕಿ ಅಕ್ರಮ ಕೆಲಸಗಳನ್ನು ಮಾಡುತ್ತಿದ್ದ ಎಂದು ಹೇಳಲಾಗಿದೆ.

ಇನ್ನು ಈತನ ಮಗ ತಶ್ರೀಫ್ ಯಾನೆ ಮೋನು ಬಡ ಮಹಿಳೆಯೊಬ್ಬರಿಗೆ ಲೈಂಗಿಕ ಕಿರುಕುಳ ನೀಡಿದ್ದ ಎಂದು ಹೇಳಲಾಗಿದೆ. ಈ ಬಗ್ಗೆ ಬಂಟ್ವಾಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ಕೂಡ ದಾಖಲಿಸಲಾಗಿದೆ. ತಂದೆ -ಮಗನ ಮೇಲೆ ಪ್ರಕರಣ ದಾಖಲಿಸಿದರೂ, ಅವರ ಅಟ್ಟಹಾಸ ಮುಂದುವರಿದಿದೆ ಎಂದು ಹೇಳಲಾಗಿದೆ. ಇದರಿಂದ ಅಲ್ಲಿನ ಜನರು ಆತಂಕಕ್ಕೆ ಒಳಗಾಗಿದ್ದಾರೆ.

ಇದೀಗ ಈ ಬಗ್ಗೆ ಅಲ್ಲಿನ ಸರ್ವಾಜನಿಕರು ಸ್ಥಳೀಯ ಗ್ರಾಮ ಪಂಚಾಯತ್​​​ನ ಉಪ ಅದೀಕ್ಷಕರು, ಬಂಟ್ವಾಳ ಗ್ರಾಮಾoತರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಯಾವುದೇ ತಂಟೆ ತಕರಾರಿಲ್ಲದೆ ಜಾತಿ ಧರ್ಮ ಭೇದ ಮರೆತು ಸೌಹಾರ್ದಯುತವಾಗಿ ನೂರಾರು ವರುಷಗಳಿಂದ ಜೀವನ ನಡೆಸುತ್ತಿರುವ ಕರಿಯಂಗಳ ಪರಿಸರದಲ್ಲಿ ಶಾಂತಿಯನ್ನು ಕದಡುವ ಈ ವ್ಯಕ್ತಿಗಳಿಂದ ತಮಗೆ ಸೂಕ್ತ ರಕ್ಷಣೆ ಮತ್ತು ಊರಿನ ಸ್ವಾಸ್ತ್ಯ ಕಾಪಾಡುವಲ್ಲಿ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು, ಅಧಿಕಾರಿಗಳಿಗೆ ಮನವಿ ಮಾಡಿದ್ದಾರೆ.