ಅಡುಗೆಗೆ ಎಣ್ಣೆಯಿಲ್ಲದೇ ಹೋದರೆ ಅದರ ರುಚಿಯೇ ಇರುವುದಿಲ್ಲ. ಅದರಲ್ಲಿಯೂ ಒಗ್ಗರಣೆ ಅಥವಾ ತಿಂಡಿ ತಿನಿಸುಗಳನ್ನು ಎಣ್ಣೆ ಇರಲೇಬೇಕು. ಆದರೆ ಕರಿದ ಎಣ್ಣೆಯನ್ನು ಒಗ್ಗರಣೆಗೆ ಅಥವಾ ಇನ್ನಿತ್ತರ ಆಹಾರವನ್ನು ತಯಾರಿಸುವಾಗ ಬಳಸುವುದಿದೆ. ಹೆಚ್ಚಿನವರು ಈ ಎಣ್ಣೆಯ ಬಗ್ಗೆ ತಲೆ ಕೆಡಿಸಿಕೊಳ್ಳುವುದೇ ಇಲ್ಲ. ಆದರೆ ಇದರಲ್ಲಿ ಕರಿದ ತಿನಿಸಿದ ಕಣಗಳು ತುಂಬಿರುತ್ತದೆ. ಅದಲ್ಲದೇ ಪದೇ ಪದೇ ಇದನ್ನು ಬಳಕೆ ಮಾಡುತ್ತಿದ್ದರೆ ಆರೋಗ್ಯದ ಮೇಲೂ ವ್ಯತಿರಿಕ್ತವಾದ ಪರಿಣಾಮ ಬೀರುತ್ತದೆ.
- ಮೊಟ್ಟೆಯ ಬಿಳಿಭಾಗವನ್ನು ಕರಿದ ಎಣ್ಣೆಯನ್ನು ಕ್ಲೀನ್ ಮಾಡಲು ಬಳಸಿಕೊಳ್ಳಬಹುದು. ಎಣ್ಣೆಗೆ ಮೊಟ್ಟೆಯ ಬಿಳಿಭಾಗವನ್ನು ಹಾಕಿ ಮಿಕ್ಸ್ ಮಾಡಿ ಚೆನ್ನಾಗಿ ಬಿಸಿ ಮಾಡಿದಾಗ ಕರಿದ ಎಣ್ಣೆಯಲ್ಲಿರುವ ಕೊಳಕಾದ ಅಂಶವು ಬೇರೆಯಾಗಿ ಸ್ವಚ್ಛವಾಗುತ್ತದೆ.
- ಕರಿದ ಎಣ್ಣೆಯನ್ನು ಸ್ವಚ್ಛಗೊಳಿಸಲು ಕಾಫಿ ಫಿಲ್ಟರ್ ಬಳಸಬಹುದು. ಕರಿದ ಎಣ್ಣೆ ತಣ್ಣಗಾಗಲು ಬಿಟ್ಟು,ಇದಕ್ಕಾಗಿ ಚೀಸ್ ಕ್ಲೋತ್ ಬಳಸಿಕೊಂಡು ಫಿಲ್ಟರ್ ಮೂಲಕ ಎಣ್ಣೆಯನ್ನು ಸೋಸಿಕೊಳ್ಳಿ. ಹೀಗೆ ಮಾಡಿದ್ದಲ್ಲಿ ಎಣ್ಣೆಯೂ ಸ್ವಚ್ಛವಾಗುತ್ತದೆ.
- ಕರಿದ ತಿಂಡಿಯ ಕಣಗಳು ಎಣ್ಣೆಯಲ್ಲಿದ್ದರೆ ಆಲೂಗಡ್ಡೆಯನ್ನು ಬಳಸಿ ಸ್ವಚ್ಛಗೊಳಿಸಬಹುದು. ಈಗಾಗಲೇ ಬಳಸಿದ ಎಣ್ಣೆಯನ್ನು ಬಿಸಿ ಮಾಡಿ ಇದಕ್ಕೆ ಆಲೂಗಡ್ಡೆ ತುಂಡುಗಳನ್ನು ಹಾಕಿ ಚೆನ್ನಾಗಿ ಕರಿಯಿರಿ. ಹೀಗೆ ಮಾಡಿದ್ದಲ್ಲಿ ಕೊಳಕು ಅಂಶಗಳು ಆಲೂಗಡ್ಡೆಯಲ್ಲಿ ಸೇರಿ ಎಣ್ಣೆಯೂ ಸ್ವಚ್ಛವಾಗುತ್ತದೆ.
- ಮನೆಯಲ್ಲಿ ನಿಂಬೆ ಹಣ್ಣು ಇದ್ದರೆ ಕೊಳಕು ಎಣ್ಣೆಯನ್ನು ಸ್ವಚ್ಛ ಮಾಡಲು ಬಳಸಿಕೊಳ್ಳಿ. ಎಣ್ಣೆ ಬಿಸಿ ಮಾಡಿ, ಅದಕ್ಕೆ ನಿಂಬೆಹಣ್ಣುಗಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ಅದಕ್ಕೆ ಹಾಕಿಕೊಳ್ಳಿ. ಆ ಕೂಡಲೇ ಎಣ್ಣೆಯಲ್ಲಿರುವ ಬೇಡದ ಕಣಗಳು ನಿಂಬೆ ಹಣ್ಣಿನ ಮೇಲೆ ಅಂಟಿಕೊಳ್ಳುತ್ತವೆ. ಈ ಮೂಲಕ ಸುಲಭವಾಗಿ ಬಳಸಿದ ಅಡುಗೆ ಎಣ್ಣೆಯನ್ನು ಸ್ವಚ್ಛಗೊಳಿಸಿ ಮರು ಬಳಕೆ ಮಾಡಬಹುದು.