ಎಲ್ಲರ ಮನೆಯಲ್ಲಿ ಸಹಜವಾಗಿ ಬಾಳೆಹಣ್ಣು ಇದ್ದೆ ಇರುತ್ತದೆ. ಹೀಗಾಗಿ ಕೆಲವರಿಗೆ ಬಾಳೆ ಹಣ್ಣು ತಿಂದು ಬೇಡ ಎನ್ನುವಂತಾಗಿರುತ್ತದೆ. ಇನ್ನು ಕೆಲವೊಮ್ಮೆ ಮನೆಯಲ್ಲಿಟ್ಟ ಬಾಳೆಹನ್ನು ಹಣ್ಣಾಗಿ, ಇನ್ನೇನು ಒಂದೆರಡು ದಿನಗಳ ಕಾಲವಿಟ್ಟರೆ ಕೊಳೆತು ಹೋಗುತ್ತದೆ. ಹೀಗಾದಾಗ ಈ ಹೆಣ್ಣಿನಿಂದ ಸುಲಭವಾಗಿ ಹಲ್ವಾ ಮಾಡಿ ಸವಿಯಬಹುದು. ಈ ರೆಸಿಪಿ ಮಾಡಲು ಕೆಲವೇ ಕೆಲವು ಸಾಮಗ್ರಿಗಳಿದ್ದರೆ ಸಾಕು, ಮನೆಯಲ್ಲಿ ಸುಲಭವಾಗಿ ಬೇಕರಿಯಲ್ಲಿ ಸಿಗುವ ಹಲ್ವಾಕ್ಕಿಂತ ರುಚಿಯಾದ ಹಲ್ವಾ ಮಾಡಬಹುದು. ಅರ್ಧಗಂಟೆಯಲ್ಲೇ ಈ ರುಚಿ ರುಚಿಯಾದ ಹಲ್ವಾ ಸವಿಯಲು ಸಿದ್ಧವಾಗುತ್ತದೆ.

ಬಾಳೆಹಣ್ಣಿನ ಹಲ್ವಾಗೆ ಬೇಕಾಗುವ ಸಾಮಗ್ರಿಗಳು

• ಹಣ್ಣಾದ ಬಾಳೆಹಣ್ಣು
• ಕಾಲು ಕಪ್ ಜೋಳದ ಹಿಟ್ಟು
• ಅರ್ಧ ಕಪ್‌ ಸಕ್ಕರೆ
• ಎರಡು ಚಮಚ ತುಪ್ಪ

ಬಾಳೆಹಣ್ಣಿನ ಹಲ್ವಾ ಮಾಡುವ ವಿಧಾನ

• ಮೊದಲಿಗೆ ಬಾಳೆಹಣ್ಣು ಸಿಪ್ಪೆ ಸುಲಿದು ಚಿಕ್ಕದಾಗಿ ಕತ್ತರಿಸಿ, ಮಿಕ್ಸಿಯಲ್ಲಿ ನೀರು ಸೇರಿಸದೆ ರುಬ್ಬಿಕೊಳ್ಳಿ.
• ಆ ಬಳಿಕ ಇದಕ್ಕೆ ಸಕ್ಕರೆ, ಜೋಳದ ಹಿಟ್ಟು ಹಾಕಿ ಚೆನ್ನಾಗಿ ಕಲಸಿಕೊಳ್ಳಿ.
• ಬಾಣಲೆಯನ್ನು ಸ್ಟವ್ ಮೇಲೆ ಇಟ್ಟು ಬಿಸಿಯಾಗುತ್ತಿದ್ದಂತೆ ತುಪ್ಪ ಹಾಕಿ, ನಂತರದಲ್ಲಿ ಈ ಬಾಳೆಹಣ್ಣು ಮಿಶ್ರಣ ಹಾಕಿ ಕೈಯಾಡಿಸುತ್ತ ಇರಿ.
• ಹಲ್ವಾ ಗಟ್ಟಿಯಾಗುತ್ತಿದ್ದಂತೆ ತಟ್ಟೆಗೆ ತುಪ್ಪ ಸವರಿ ಈ ಮಿಶ್ರಣ ಹಾಕಿ ತಟ್ಟೆಯ ತುಂಬಾ ಸವರಿ ಹದಿನೈದು ನಿಮಿಷ ಬಿಟ್ಟರೆ ರುಚಿ ರುಚಿಯಾದ ಬಾಳೆಹಣ್ಣಿನ ಹಲ್ವಾ ಸವಿಯಲು ಸಿದ್ಧ.