ಬಂಟ್ವಾಳ: ಮಕ್ಕಳಿಗಾಗಿ ಕನ್ನಡ ಭಾಷೆ-ಸಾಹಿತ್ಯ ಕಾರ್ಯಾಗಾರ ಮಕ್ಕಳಲ್ಲಿ ಕನ್ನಡ ಸಾಹಿತ್ಯದ ಮೂಲಕ ಕನ್ನಡ ಭಾಷಾಪ್ರೇಮ, ಪುಸ್ತಕ ಪ್ರೀತಿ, ಓದು ಹಾಗೂ ಬರವಣಿಗೆಯ ಅಭಿರುಚಿಯನ್ನು ಬೆಳೆಸುವ ಉದ್ದೇಶದಿಂದ ಕನ್ನಡ ಭಾಷೆ-ಸಾಹಿತ್ಯ ಕಾರ್ಯಾಗಾರವನ್ನು ಸರಕಾರಿ ಪ್ರಾಢಶಾಲೆ ಸಾಲೆತ್ತೂರಿನಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯದ ಎಸ್.ವಿ.ಪಿ ಕನ್ನಡ ಅಧ್ಯಯನ ಸಂಸ್ಥೆಯ ಸಂಶೋಧನ ವಿದ್ಯಾರ್ಥಿ ಶ್ರೀಮತಿ ಮೈತ್ರಿ ಭಟ್ ಅವರು ಇತ್ತೀಚೆಗೆ ನಡೆಸಿದರು.
ಮಕ್ಕಳಲ್ಲಿ ಕನ್ನಡ ಭಾಷೆಯ ಬಗ್ಗೆ ಪ್ರೀತಿಯನ್ನು ಮೂಡಿಸುವುದರೊಂದಿಗೆ, ಪುಸ್ತಕವನ್ನು ಓದುವ ಹವ್ಯಾಸವನ್ನು ಬೆಳೆಸಿ, ಬರವಣಿಗೆಯನ್ನು ರೂಢಿಸಿಕೊಳ್ಳಲು ನೆರವಾಗುವ ಉದ್ದೇಶದಿಂದ 9 ಮತ್ತು ಹತ್ತನೇ ತರಗತಿಯ ವಿದ್ಯಾರ್ಥಿಗಳಿಗಾಗಿ ಕನ್ನಡ ಸಾಹಿತ್ಯದ ಬಗ್ಗೆ ಪ್ರಬಂಧ ಹಾಗೂ ರಸಪ್ರಶ್ನೆ ಸ್ಪರ್ಧೆಯನ್ನು ನಡೆಸಿ ಪುಸ್ತಕಗಳನ್ನು ಬಹುಮಾನವಾಗಿ ನೀಡಿದರು. ಈ ಕಾರ್ಯಕ್ರಮದಲ್ಲಿ ಶಿಕ್ಷಕಿಯರಾದ ಶಶಿಕಲಾಎಂ.ಎಸ್ ಮತ್ತು ಚಂದ್ರಾವತಿ ಹೆಚ್. ಉಪಸ್ಥಿತರಿದ್ದರು.