ಬಂಟ್ವಾಳ: ಸಜೀಪಮುನ್ನೂರು ಗ್ರಾಮದ ಶಾರದಾನಗರ ಶ್ರೀ ಶಾರದಾಂಬಿಕ ಭಜನಾ ಮಂದಿರದಲ್ಲಿ ಭಜನಾ ತರಬೇತಿ ಕೇಂದ್ರಕ್ಕೆ ಚಾಲನೆ ನೀಡಲಾಯಿತು. ಧಾರ್ಮಿಕ ಮುಂದಾಳು ಎಂ.ಸುಬ್ರಹ್ಮಣ್ಯ ಭಟ್ ಅವರು ಕೇಂದ್ರವನ್ನು ದೀಪ ಬೆಳಗಿಸಿ ಉದ್ಘಾಟಿಸಿ ಸ್ಥಳೀಯ ಮಕ್ಕಳಿಗೆ ಭಜನೆಯನ್ನು ಕಲಿಸಿಕೊಡುವ ನಿಟ್ಟಿನಲ್ಲಿ ಕೇಂದ್ರವನ್ನು ಆರಂಭಿಸಿರುವುದು ಸ್ತುತ್ಯಾರ್ಹವಾಗಿದೆ ಈ ಪುಣ್ಯದ ಕೆಲಸದಿಂದ ಮಕ್ಕಳು ಉತ್ತಮ ಸಂಗೀತಗಾರನಾಗಿ ಮೂಡಿ ಬರಲು ಸಾಧ್ಯ ಎಂದು ಅಭಿಪ್ರಾಯಪಟ್ಟರು.
ಈ ಸಂದರ್ಭ ಭಜನಾಮಂದಿರದ ಅಧ್ಯಕ್ಷ ಜಯಂತಗಟ್ಟಿ,ಪದಾಧಿಕಾರಿಗಳಾದ ವಿಶ್ವನಾಥ ಕೊಟ್ಟಾರಿ,ಶೇಖರಗಟ್ಟಿ,ಪದ್ಮನಾಭ ಪೂಜಾರಿ,ಚಂದ್ರಶೇಖರ ಭಂಡಾರಿ,ವಾಸುಗಟ್ಟಿ,ಶೇಖರ ಪೂಜಾರಿ,ಗಂಗಾಧರ ಗಟ್ಟಿ,ತಿಮ್ಮಪ್ಪ ಮೂಲ್ಯ,ಸುರೇಶ್ ದೋಟ,ಶಿಕ್ಷಕ ವಾಸುದೇವ ಗಟ್ಟಿ ,ಸತೀಶ್ ಗಟ್ಟಿ ಮೊದಲಾದವರಿದ್ದರು.