ನಿಟಿಲಾಕ್ಷ ಸದಾಶಿವ ದೇವಸ್ಥಾನದ ಬಳಿಯಿಂದ ಪಡ್ಡೆಮಜಲು ರಸ್ತೆ ಕಾಂಕ್ರಿಟೀಕರಣಗೆ ಕಾಮಗಾರಿ ಗುದ್ದಲಿಪೂಜೆ

ಬಂಟ್ವಾಳ : ಎಪಿಎಂಸಿ ಬಂಟ್ವಾಳ ಇದರ ವತಿಯಿಂದ ಮಂಜೂರಾತಿಯಾದ ರಸ್ತೆ ಕಾಂಕ್ರಿಟೀಕರಣ ಯೋಜನೆಯಡಿಯಲ್ಲಿ ಬಂ.ತಾಲೂಕಿನ ಗೋಳ್ತಮಜಲು ಗ್ರಾಮದ ನಿಟಿಲಾಕ್ಷ ಸದಾಶಿವ ದೇವಸ್ಥಾನದ ಬಳಿಯಿಂದ ಪಡ್ಡೆಮಜಲು ರಸ್ತೆ ಕಾಂಕ್ರಿಟೀಕರಣ ಕಾಮಗಾರಿಯ ಗುದ್ದಲಿಪೂಜೆಯನ್ನು ಮಾಜಿ ಸಚಿವ ಬಿ.ರಮಾನಾಥ ರೈ ನೆರವೇರಿಸಿದರು.
ಅವರು ನೆಟ್ಲ ದೇವಸ್ಥಾನದ ಸಭಾಂಗಣದಲ್ಲಿ ಮಾತನಾಡುತ್ತಾ ಗ್ರಾಮೀಣ ರೈತರಿಗೆ ತಮ್ಮ ಕೃಷಿ ಉತ್ಪನ್ನಗಳನ್ನು ಮಾರುಕಟ್ಟೆ ತರಲು ಇಂತಹಾ ರಸ್ತೆಗಳು ಪ್ರಯೋಜನಕಾರಿಯಾಗಿದ್ದು ಎಪಿಎಂಸಿ ಯ ಕಾರ್ಯವನ್ನು ಶ್ಲಾಘಿಸಿದರು. ಇತ್ತೀಚಿನ ದಿನಗಳಲ್ಲಿ ಎಪಿಎಂಸಿ ಪ್ರಾಂಗಣಕ್ಕೆ ಜಾಮೀನು ಮಂಜೂರಾತಿ ಮಣಿನಾಲ್ಕೂರುಮತ್ತು ಮಾಣಿಯಲ್ಲಿ ಸಂತೆ ಮಾರುಕಟ್ಟೆ ಹಾಗೂ ನೂತನ ಎಪಿಎಂಸಿ ಪ್ರಾಂಗಣದಲ್ಲಿ 1.25ಕೋಟಿ ವೆಚ್ಚದ ಗೋಡೌನ್ ನಿರ್ಮಾಣ ಕಾರ್ಯ ನಡೆಯಲಿದ್ದು ಅಧ್ಯಕ್ಷ ಪದ್ಮನಾಭ ರೈ ಹಾಗೂ ಸಮಿತಿಯ ಕೆಲಸವನ್ನು ಶ್ಲಾಘಿಸಿದರು.
ಎಪಿಎಂಸಿ ಅಧ್ಯಕ್ಷ ಪದ್ಮನಾಭ ರೈ ಮಾತನಾಡಿ ಎಪಿಎಂಸಿ ವತಿಯಿಂದ 2017-18ನೇ ಸಾಲಿನಲ್ಲಿ ರೂ.30ಲಕ್ಷ ಅಂದಾಜು ವೆಚ್ಚದಲ್ಲಿ 14ರಸ್ತೆಗಳ ರಚನೆಗೆ ಮಂಜೂರಾತಿ ಯಾಗಿದ್ದು ಈ ಎಲ್ಲಾ ರಸ್ತೆಗಳು ಒಂದು ತಿಂ ಗಳ ಅವಧಿಯಲ್ಲಿ ಪೂರ್ಣಗೊಳ್ಳುವುದು . 2018-19ನೇ ಸಾಲಿನಲ್ಲಿ ಅಂದಾಜು 39ಲಕ್ಷ ವೆಚ್ಚದಲ್ಲಿ 13 ಕಾಮಗಾರಿಗಳು ನಡೆಯಲಿದ್ದು ಟೆಂಡರ್ ಪ್ರಕ್ರಿಯೆ ಮುಗಿದಿದ್ದು ಸದ್ಯದಲ್ಲಿ ಕಾಮಗಾರಿ ಆರಂಭಗೊಳ್ಳಲಿದೆ ಎಂದು ತಿಳಿಸಿದರು.