ಮೂರ್ಜೆ: ಬೃಹತ್ ಮರ ಉರುಳಿ ಸಂಚಾರ ವ್ಯತ್ಯಯ

ಬಂಟ್ವಾಳ : ಬಂಟ್ವಾಳ ತಾಲೂಕು ಮೂರ್ಜೆ-ವೇಣೂರು ರಸ್ತೆಯಲ್ಲಿ ಬೃಹತ್ ಮರ ಉರುಳಿದ ಪರಿಣಾಮ ರಸ್ತೆ ಸಂಚಾರ ಸ್ಥಗಿತಗೊಂಡ ಘಟನೆ ಸೋಮವಾರ  ಸಂಭವಿಸಿದೆ.

ಮರ ಬಿದ್ದುದರಿಂದ ಸುಮಾರು 3 ತಾಸು ಸಂಚಾರ ವ್ಯತ್ಯಯಗೊಂಡಿತ್ತು. ಬಳಿಕ ಗ್ರಾಮಸ್ಥರ ಸಹಕಾರದಿಂದ ಅರಣ್ಯ ಇಲಾಖೆ ಸಿಬಂದಿಗಳು ಮರ ತೆರವುಗೊಳಿಸಿದರು.ಘಟನೆಯಿಂದ 4 ವಿದ್ಯುತ್ ಕಂಬಗಳು ವಾಲಿದ್ದು, ವಿದ್ಯುತ್ ತಂತಿಗಳು ಹಾನಿಗೊಂಡಿವೆ. ಕೆಲವೇ ಅಡಿಗಳ ಅಂತರದಲ್ಲಿ ಮನೆಯಿದ್ದು ಸಂಭವನೀಯ ಅಪಾಯದಿಂದ ಪಾರಾಗಿದ್ದಾರೆ.