ಕರಾವಳಿಜಿಲ್ಲೆ ಯಾವತ್ತಿದ್ದರೂ ಹಿಂದೂ ಸಮಾಜದ ಕೇಂದ್ರವೇ ಹೊರತು ಕಾರ್ಖಾನೆಯಲ್ಲ : ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಘರ್ಜನೆ

ಬಂಟ್ವಾಳ: ಹಿಂದೂ ಸಮಾಜದ ಏಳಿಗೆಗೆ ಮುಂಚೂಣಿಯಲ್ಲಿದ್ದು ಶ್ರಮಿಸುತ್ತಿರುವ ,ವಿ.ಹಿಂ.ಪರಿಷತ್, ಬಜರಂಗದಳ ,ಹಿ.ಜಾ.ವೇ.ಸಹಿತ ಅನ್ಯನ್ಯ ಸಂಘಪರಿವಾರ ಸಂಘಟನೆಗಳೆಲ್ಲವು  ಹಿಂದೂ‌ಸಮಾಜದ ಆಸ್ಮಿತೆಯಾಗಿದೆ.ಕರಾವಳಿಜಿಲ್ಲೆ ಯಾವತ್ತಿದ್ದರೂ ಹಿಂದೂ ಸಮಾಜದ ಕೇಂದ್ರವೇ ಆಗಿದ್ದು,ಮುಂದೇಯು ಕೇಂದ್ರವೇ ಅಗಿರುತ್ತದೆ ಹೊರತು ಕಾರ್ಖಾನೆಯಲ್ಲ ಎಂದು ಗುರುಪುರ ವಜ್ರದೇಹಿ ಮಠದ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಅವರು ಘರ್ಜಿಸಿದರು.

ಕೊಲೆ ಪ್ರಕರಣವೊಂದರಲ್ಲಿ ಮೈಸೂರಿನ ವಿಶೇಷ ನ್ಯಾಯಾಲಯ ಜಾಮೀನು ಮಂಜೂರುಗೊಳಿಸಿದ ಬೆನ್ನಲ್ಲೇ ಕರ್ನಾಟಕ ಸರಕಾರ ತುಷ್ಠೀಕರಣದ ಭಾಗವಾಗಿ ಭರತ್ ಕುಮ್ಡೇಲು ಸಹಿತ ಆರು ಮಂದಿಯ ವಿರುದ್ಧ ಗೂಂಡಾಕಾಯ್ದೆ ಜಾರಿಗೊಳಿಸಿ ಅವರನ್ನು ಮತ್ತೆ ಜೈಲಿನಲ್ಲಿಯೇ ಮುಂದುವರಿಯುವಂತೆ ಮಾಡಿರುವ ದುರುದ್ದೇಶಪೂರಿತ ಕೃತ್ಯವನ್ನು  ಖಂಡಿಸಿ ವಿ.ಹಿಂ.ಪ.,ಬಜರಂಗದಳ ಬಂಟ್ವಾಳ ಪ್ರಖಂಡ ವತಿಯಿಂದ  ಬಿ.ಸಿ.ರೋಡಿನ ಶ್ರೀರಕ್ತೇಶ್ವರೀ ದೇವಸ್ಥಾನದ ವಠಾರದಲ್ಲಿ  ಸೋಮವಾರ ನಡೆದ ಬೃಹತ್ ಪ್ರತಿಭಟನೆಯನ್ನುದ್ದೇಶಿಸಿ ಶ್ರೀಗಳು ಮಾತನಾಡಿದರು.
ಭಾರತದ ಪ್ರಧಾನ ನಾಯಕನೇ ಸಿಂಹದಂತೆ ಹೆಜ್ಜೆ ಹಾಕುತ್ತಿದ್ದು,ಇಡೀ ಜಗತ್ತೇ ಭಾರತದ ಹಿಂದೂ ಧರ್ಮದ ಮುಂದೆ ಮಂಡಿಯೂರುತ್ತಿದ್ದಾರೆ.ಆದರೆ ಇಲ್ಲಿಯವರೇ ಇದರ ವಿರುದ್ಧ ಷಡ್ಯಂತ್ರ ರೂಪಿಸುತ್ತಿದ್ದಾರೆ.ಒಬ್ಬ ಭರತನನ್ನು ಮಟ್ಟ ಹಾಕಲು ಹೊರಟರೆ ಸಾವಿರಾರು ಮಂದಿ ಭರತರು ಹುಟ್ಟಿಕೊಳ್ಳುತ್ತಾರೆ ಎಂದರು.
ಹಲವು ದಶಕದ ಹಿಂದೆ ಎಂಬಿಬಿಎಸ್ ಪಡೆದು ರೋಗಿಗಳ ಚಿಕಿತ್ಸೆ ಮಾಡಬೇಕಾಗಿದ್ದ ಡಾ.ಪ್ತಭಾಕರ ಭಟ್ ಅವರು ಅದೆಲ್ಲವನ್ನು ಬಿಟ್ಟು ಸಮಾಜದ ಕೆಲಸದಲ್ಲಿ ನಿಸ್ವಾರ್ಥಭಾವನೆಯಲ್ಲಿ ತೊಡಗಿಸಿಕೊಂಡು ಹಿಂದೂ ಸಮಾಜಕ್ಕೆ ಮಾರ್ಗದರ್ಶನ ಮಾಡುವ ಮೂಲಕ ಚಿಕಿತ್ಸೆ ನೀಡುತ್ತಿದ್ದಾರೆ.ಅಂತಹವರಿಗೆ ಪೊಲೀಸರು ನೊಟೀಸ್ ಜಾರಿಗೊಳಿಸಿ ಪ್ರಕರಣದಲ್ಲಿ ಸಿಲುಕಿಸಲು ಹುನ್ನಾರ ನಡೆಸುತ್ತಿರುವುದು ಖಂಡನೀಯವಾಗಿದೆ ಎಂದ ಶ್ರೀಗಳು ಕಾನೂನಿನ ಅರಿವಿರುವ ಪೊಲೀಸ್ ಅಧಿಕಾರಿಗಳು ಈ ರೀತಿ ಮಾಡುವುದು ಸರಿಯಲ್ಲ, ಡಾ. ಪ್ರಭಾಕರ ಭಟ್ ಅವರಿಗೆ ನೋಟೀಸ್ ಕೊಡಲು ಹೇಳಿರುವ ಮಹಾನ್ ನಾಯಕರ ಹೆಸರು ಬಹಿರಂಗಪಡಿಸಿ  ಎಂದು ಸವಾಲೆಸೆದರು.

ಎಸ್ಪಿ ಕಚೇರಿ ಚಲೋಗೂ ಹಿಂಜರಿಯಲ್ಲ:-
ಪ್ರಧಾನ ಭಾಷಣಗೈದ ಹಿ.ಜಾ.ವೇ.ಪ್ರಾಂತ ಸಹ ಸಂಯೋಜಕ ಸತೀಶ್ ದಾವಣಗೆರೆ ಅವರು, ಪೊಲೀಸ್ ಅಧಿಕಾರಿಗಳು ಹಿಂದೂ ಸಮಾಜದ ಕಣ್ಣಿಗೆ ಸುಣ್ಣ ಹಚ್ಚಿ ಒಂದು ಕೋಮನ್ನು ಒಲೈಸುವುದನ್ನು ನಿಲ್ಲಿಸದೆ ಇದ್ದರೆ ಮುಂದಿನ ದಿನಗಳಲ್ಲಿ ಎಸ್ಪಿಕಚೇರಿ ,ಕಮೀಷನರ್ ಕಚೇರಿಗೆ ಚಲೋ ನಡೆಸಲು ನಾವು ಹಿಂಜರಿಯುವುದಿಲ್ಲ ಎಂದು ಎಚ್ಚರಿಸಿದರು.

ಕರಾವಳಿಯಲ್ಲಿ ಗೋಹತ್ಯೆ ಮಾಡುವವರು ಕೋಮು ದ್ವೇಷನ್ನು ಬಿತ್ತುವವರ ವಿರುದ್ಧ ಗೂಂಡಾ ಕಾಯ್ದೆ ಜಾರಿಗೊಳುಸುವ ಬದಲು ಹಿಂದೂ ಕಾರ್ಯಕರ್ತರನ್ನು ಗುರಿ ಮಾಡಿದ್ದರಲ್ಲ,ನಾವು ಗಾಂಧಿ,ನೆಹರು ಅವರನ್ನು ನೋಡಿ ಹಿಂದೂ ಸಂಘಟನೆ ಮಾಡಿಲ್ಲ,ವೀರ ಸಾರ್ವಕರ್ ನಮಗೆ ಆದರ್ಶ,ಜೈಲು,ಬೂಟು,ಲಾಠಿ ನಮಗೆ ಲೆಕ್ಕಕ್ಕಿಲ್ಲ ಎಂದರು.

ಮುಖ್ಯ‌ಮಂತ್ರಿ ಡಿ.ಕೆ.ಶಿವಕುಮಾರ್ ರವರು ಕರಾವಳಿಯನ್ನು ತಮ್ಮ ತೆಕ್ಕಗೆ ತೆಗೆದುಕೊಳ್ಳಲು  ಶ್ರಮಿಸುತ್ತಿದ್ದಾರೆ.ಇಂತಹ ಸಂದರ್ಭದಲ್ಲಿ ಕರಾವಳಿಯ ಚುನಾಯಿತ ಜನಪ್ರತಿನಿಧಿಗಳು ಹಿಂದೂ ಕಾರ್ಯಕರ್ತರ ಬೆನ್ನಿಗೆ ನಿಲ್ಲಬೇಕು ಎಂದರು.

ಕರ್ನಾಟಕ ಪೊಲೀಸರಿಗೆ ವಿಶೇಷವಾದ ಗೌರವವಿದ್ದು,ಪೊಲೀಸ್ ಅಧಿಕಾರಿಗಳು ಸರಕಾರದ ಸೇವಕನಾಗದೆ ಜನರ ಸೇವಕರಾಗಿ ಕಾರ್ಯನಿರ್ವಹಿಸಬೇಕು,ಕರಾವಳಿಯ ಜನರು ದೇಶಭಕ್ತರಾಗಿದ್ದು,ಇಲ್ಲಿನ  ಮಣ್ಣಿನ ಸಂಸ್ಕೃತಿ,ಹಿಂದೂ ಕಾರ್ಯಕರ್ತರ ಮಾನಸಿಕತೆಯನ್ನು ಅರಿತುಕೊಂಡು ಕಾರ್ಯನಿರ್ವಹಿಸಿ ಎಂದ ಅವರು ಹಿಂದೂ ಕಾರ್ಯಕರ್ತರು ತಮ್ಮ ಕಿಸೆಯಿಂದ ಖರ್ಚು ಮಾಡಿ ಸಂಘಟನೆಗೆ ಶ್ರಮಿಸುತ್ತಿದ್ದಾರೆ.ಅಂತಹ ದೇವರ್ದುಲಬ ಕಾರ್ಯಕರ್ತರನ್ನು ಹತ್ತಿಕ್ಕುವ ಕೆಲಸವನ್ನು ಇಂದಿಗೆ ಬಿಟ್ಟು ಬಿಡಿ ಎಂದರು.
ಪೊಲೀಸರಿಗೆ ಸುಫಾರಿ ಕೊಡಲಾಗಿದೆಯೆ?:
ಬಜರಂಗದಳದ ಪ್ರಾಂತ ಸಂಯೋಜಕ್   ಪ್ರಭಂಜನ್ ಸೂರ್ಯಾ ಅವರು ಮಾತನಾಡಿ,
ಕಾಂಗ್ರೆಸ್ ನ ಒಲೈಕೆ ರಾಜಕಾರಣ ನೋಡಿದರೆ ನಾವುಭಾರತದಲ್ಲಿದ್ದೆವೆಯಾ,ಪಾಕಿಸ್ತಾನದಲ್ಲಿದ್ದೆವೆಯಾ ಎಂಬ ಅನುಮಾನ ಬರುತ್ತದೆ.