ಕಾರ್ಕಳ : ಹಿಂದೂ ಸಂಸ್ಕೃತಿಯು ಜ್ಞಾನವನ್ನು ಕೊಡುತ್ತಿದ್ದು, ಪಾಶ್ಚಾತ್ಯ ಸಂಸ್ಕೃತಿಯು ಶಿಕ್ಷಣದ ವ್ಯಾಪಾರೀಕರಣ ಮಾಡುತ್ತಿದೆ. ಮಗು ಕೇಂದ್ರಿತವಾದ ಚಟುವಟಿಕೆಯುಕ್ತವಾದ ಸಮಾಜ ಪೋಷಿತವಾದ ಈ ಸೂತ್ರಗಳಿಂದ ಶಾಲೆ ಹಾಗೂ ವಿದ್ಯಾರ್ಥಿಗಳ ಬದುಕನ್ನು ರೂಪಿಸಬಹುದು. ಎಂದು ವಿದ್ಯಾಭಾರತಿ ಪ್ರಾಂತ ಸಂಚಾಲಕರಾದ ವಸಂತ ಮಾಧವ ಇವರು ಎಳ್ಳಾರೆ ಶ್ರೀ ಜನಾರ್ಧನ ಪೂರ್ವ ಪ್ರಾಥಮಿಕ ಶಾಲಾ ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದರು.
ಹೆಬ್ರಿ ಅಮೃತಭಾರತಿಯ ಆಡಳಿತ ಮಂಡಳಿ ಕಾರ್ಯದರ್ಶಿ ಗುರುದಾಸ್ ಶೆಣೈ ಮಾತನಾಡಿ ಸಂಸ್ಕಾರ ಯುತವಾದ ಶಿಕ್ಷಣದಿಂದ ಮನಸ್ಸು ಒಂದಾಗುತ್ತದೆ. ಇದು ಸಮಾಜದ ಅಭಿವೃದ್ಧಿಗೆ ಪೂರಕವಾದುದು ಎಂದು ಹೇಳಿದರು . ಈ ಸಂಧರ್ಭ ವೇದಿಕೆಯಲ್ಲಿ ಜನಾರ್ಧನ ಶಾಲಾ ಸಂಚಾಲಕರಾದ ನಂದಕುಮಾರ್, ಎಳ್ಳಾರೆ ಜನಾರ್ಧನ ಎಜ್ಯುಕೇಶನ್ ಟ್ರಸ್ಟ್ ನ ಅಧ್ಯಕ್ಷರಾದ ದಿನೇಶ್ ಕಿಣಿ, ಕಡ್ತಲ ಗ್ರಾ. ಪಂ. ಅಧ್ಯಕ್ಷ ಅರುಣ್ ಕುಮಾರ್ ಹೆಗ್ಡೆ ಉಪಸ್ಥಿತರಿದ್ದರು.
ಕಾರ್ಯಕ್ರಮವನ್ನು ನವೀನ್. ಆರ್. ಭಟ್ ನಿರೂಪಿಸಿದರು. ಟ್ರಸ್ಟ್ ನ ಕಾರ್ಯದರ್ಶಿ ಸಂತೋಷ್ ಹೆಗ್ಡೆ ಸ್ವಾಗತಿಸಿ,ಶಾಲಾ ನಿಯೋಜಿತ ಮುಖ್ಯೋಪಾಧ್ಯಾಯರಾದ ದಯಾನಂದ ನಾಯಕ್ ಧನ್ಯವಾದವಿತ್ತರು.ಶಾಲಾ ಶಿಕ್ಷಕರು ಸಹಕರಿಸಿದರು.