- ಬಡಗಬೆಳ್ಳೂರು : ಬಡಗಬೆಳ್ಳೂರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘ(ರಿ) ಇದರ ವಾರ್ಷಿಕ ಮಹಾಸಭೆ ಸಂಘದ ಅಧ್ಯಕ್ಷೆ ಸವಿತಾ ಎನ್ ಶೆಟ್ಟಿ ಅಧ್ಯಕ್ಷತೆಯಲ್ಲಿ ಕೊಳತ್ತ ಮಜಲು ಸಂಘದ ಕಚೇರಿಯಲ್ಲಿ ಜರುಗಿತು.
ಕಳೆದ ಹಣಕಾಸು ವರ್ಷದಲ್ಲಿ ಸಂಘಕ್ಕೆ 4,47,541.54 ರೂ ಲಾಭ ಬಂದಿದೆ. ಶೇ 65 ಬೋನಸ್ ಮತ್ತು ಶೇ 15 ಡಿವಿಡೆಂಡ್ ನೀಡಲಾಗಿದೆ ಎಂದು ಅಧ್ಯಕ್ಷರು ಸಭೆಗೆ ತಿಳಿಸಿದರು.ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ದಕ ಜಿಲ್ಲಾ ಹಾಲು ಒಕ್ಕೂಟದ ಉಪ-ವ್ಯವಸ್ಥಾಪಕ ಡಾ. ಟಿ. ವಿ. ಶ್ರೀನಿವಾಸ್ ಮಾತನಾಡುತ್ತ, ಹೈನು ರಾಸುಗಳ ನಿರ್ವಹಣೆ, ಅವುಗಳಿಗೆ ಬರುವ ರೋಗ ಹಾಗೂ ಚಿಕಿತ್ಸೆ ಬಗ್ಗೆ ಮಾಹಿತಿ ನೀಡಿದರು.
ಹೈನುಗಾರರಿಗೆ ಒಕ್ಕೂಟದಿಂದ ಸಿಗುವ ಸೌಲಭ್ಯಗಳ ಬಗ್ಗೆ ವಿಸ್ತರಣಾಧಿಕಾರಿ ಅಬ್ದುಲ್ ಸಮೀರ್ ಮಾಹಿತಿ ನೀಡಿದರು. ಸಂಘದ ಸದಸ್ಯರಾದ ಪ್ರವೀಣ ಟಿ ಸ್ವಾಗತಿಸಿದರು. ಗೀತಾ ಮೇಲಂಟ ವಂದಿಸಿದರು.
