ಬಂಟ್ವಾಳ:ಕೃಷಿ ಹಾಗೂ ತೋಟಗಾರಿಕೆ ಇಲಾಖೆಯಿಂದ ಪ್ರಾಕೃತಿಕ ವಿಕೋಪಕ್ಕೆ ಸಂಬಂಧಿಸಿದಂತೆ ನೀಡುವ ಪರಿಹಾರ ಧನ ತೀರಾ ಹಳೆಯ ಮಾದರಿಯಲ್ಲಿದ್ದು, ಇದನ್ನು ಕೂಡಲೇ ಹೆಚ್ಚಳಗೊಳಿಸಬೇಕು ಎಂಬ ನಾಗರಿಕರ ಆಗ್ರಹಿಸಿದ ಘಟನೆ ನಡೆದಿದೆ.
ಗ್ರಾಮ ಪಂಚಾಯಿತಿ ಅಧ್ಯಕ್ಷ ಮಹಮ್ಮದ್ ಷರೀಪ್ ನಂದಾವರ ಅಧ್ಯಕ್ಷತೆಯಲ್ಲಿ ಶುಕ್ರವಾರ ನಡೆದ ಗ್ರಾಮಸಭೆಯಲ್ಲಿ ಈ ಬಗ್ಗೆ ನಿರ್ಣಯ ಕೈಗೊಂಡಿದ್ದಾರೆ. ತುಂಬೆ ಅಣೆಕಟ್ಟೆಯಲ್ಲಿ 6 ಮೀ. ನೀರು ಸಂಗ್ರಹದಿಂದ ಮುಳುಗಡೆಗೊಂಡ ಇಲ್ಲಿನ ಸಂತ್ರಸ್ತ ರೈತರಿಗೆ ಕೂಡಲೇ ನ್ಯಾಯೋಚಿತ ಪರಿಹಾರ ದೊರಕಿಸಿ ಕೊಡಬೇಕು ಎಂದು ಸಭೆಯಲ್ಲಿ ನಿರ್ಣಯ ಕೈಗೊಂಡರು.
ತಾಲ್ಲೂಕು ಪಂಚಾಯಿತಿ ಸದಸ್ಯೆ ನಸೀಮಾ ಸಹಿತ ವಿವಿಧ ಇಲಾಖೆ ಅಧಿಕಾರಿಗಳು ಇದ್ದರು. ಗ್ರಾಮಸ್ಥರಾದ ಎಂ.ಸುಬ್ರಹ್ಮಣ್ಯ ಭಟ್, ಪ್ರವೀಣ್ ಗಟ್ಟಿ , ಇಲ್ಯಾಸ್, ಮೊಹಮ್ಮದ್ ಬಶೀರ್, ಇಸ್ಮಾಯಿಲ್, ಗಂಗಾಧರ ನಾೈಕ್, ಮುಸ್ತಾಫಾ, ಉದಯ ಮತ್ತಿತರರು ಚರ್ಚೆಯಲ್ಲಿ ಪಾಲ್ಗೊಂಡರು. ಪಿಡಿಒ ಬಿ.ಪ್ರಕಾಶ್, ಕಾರ್ಯದರ್ಶಿ ಶಿವಗೊಂಡಪ್ಪ ಬಿರದಾರ, ನೋಡೆಲ್ ಅಧಿಕಾರಿ ಎಚ್.ಆರ್.ಲಸ್ರಾದೋ ಇದ್ದರು.