ಸರಕು ವಾಹ ಟೆಂಪೋ ಚಾಲಕ ಮತ್ತು ಮಾಲಿಕರ ಸಂಘದ ಮಹಾಸಭೆ.

ಬಂಟ್ವಾಳ: ಸಣ್ಣ ಮತ್ತು ದೊಡ್ಡ ಸರಕು ವಾಹನ ಚಾಲಕರ –ಮಾಲಕರ ಸಂಘದ ವಾರ್ಷಿಕ ಮಹಾಸಭೆಯು ಆಗಸ್ಟ್ 15ರಂದು ಬಿ.ಸಿ.ರೋಡ್ ನ ರ ಕ್ತೇಶ್ವರೀ ಸಭಾಂಗಣದಲ್ಲಿ ಸಂಘದ ಅಧ್ಯಕ್ಷರಾದ ನ್ಯಾಯವಾದಿ ರಮಾನಾಥ ಕಾರಂದೂರು ರವರ ಅಧ್ಯಕ್ಷತೆಯಲ್ಲಿ ಜರಗಿತು. ಸಂಘದ ಕಾರ್ಯದರ್ಶಿ ಇಗ್ನೇಷಿಯಸ್ ತೌರೋ ವಾರ್ಷಿಕ ವರದಿ ಲೆಕ್ಕಪತ್ರ ಮಂಡಿಸಿದರು. 2017-18ನೇ ಸಾಲಿನ ಸಂಘದ ಅಧ್ಯಕ್ಷರಾಗಿ ರಮಾನಾಥ ಕಾರಂದೂರು , ಉಪಾಧ್ಯಕ್ಷರಾಗಿ ಪದ್ಮನಾಭ ಪೂಜಾರಿ, ಕಾರ್ಯದರ್ಶಿಯಾಗಿ ಇಗ್ನೇಷಿಯಸ್ ತೌರೋ , ಜತೆಕಾರ್ಯದರ್ಶಿ ನಾರಾಯಣ ಕುಲಾಲ್, ಕೋಶಾಧಿಕಾರಿ ಲತೀ ಫ್ ರವರನ್ನು ಆಯ್ಕೆ ಮಾಡಿ ಕಾರ್ಯಕಾರಿ ಸಮಿತಿ ರಚಿಸಲಾಯಿತು.

ಸಂಘದ ವತಿಯಿಂದ ಇಬ್ರಾಹಿಂ ವಳಚ್ಚಿಲ್ ರವರಿಗೆ ಅಸೌಖ್ಯದ ಬಗ್ಗೆ ಕ್ಷೇಮನಿಧಿಯಿಂದ ರೂ.3000(ಮೂರು ಸಾವಿರ) ನೀಡಲಾಯಿತು. ಮುಖ್ಯ ಅತಿಥಿ ಎಂ.ಕೆ.ಖಾದರ್ ಸಂಘಕ್ಕೆ ಶುಭ ಹಾರೈಸಿದರು. ಜತೆ ಕಾರ್ಯದರ್ಶಿ ನಾರಾಯಣ ಕುಲಾಲ್ ವಂದಿಸಿದರು.