ಆಳ್ವಾಸ್‍ನಲ್ಲಿ ಆಟಿ ಕಷಾಯ ವಿತರಣೆ

ಮೂಡುಬಿದಿರೆ: ಶಾಸ್ತ್ರೋಕ್ತವಾಗಿ ತಯಾರಿಸಿದ ರೋಗನಿರೋಧಕ, ಪಾರಂಪರಿಕ ದಿವ್ಯೌಷಧ `ಆಟಿ ಕಷಾಯ’ವನ್ನು ವಿದ್ಯಾಗಿರಿಯ ¸ ಆಳ್ವಾಸ್ ಆಯುರ್ವೇದ ಆಸ್ಪತ್ರೆಯ ಆವರಣದಲ್ಲಿ ವಿತರಿಸಲಾಯಿತು.
ಧನ್ವಂತರಿ ಪ್ರಾರ್ಥನೆಯ ಬಳಿಕ ಕಾಲೇಜಿನ ಪ್ರಾಂಶುಪಾಲ ಡಾ.ವಿನಯಚಂದ್ರ ಶೆಟ್ಟಿ ಕಷಾಯವನ್ನು ವಿತರಿಸುವುದರ ಮೂಲಕ ಚಾಲನೆ ನೀಡಿದರು. ಆಷಾಡ ತಿಂಗಳಲ್ಲಿ ರೋಗರುಜಿನಗಳು ಹೆಚ್ಚಾಗುತ್ತದೆ. ಈ ಸಂದರ್ಭದಲ್ಲಿ ಪಾರಂಪರಿಕವಾದ ಈ ಕಷಾಯವನ್ನು ಕುಡಿಯುವುದರಿಂದ ನಮ್ಮಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚಾಗುತ್ತದೆ. ಇದರ ಪ್ರಭಾವ ವರ್ಷ ಪೂರ್ತಿ ಇರುವುದು ವಿಶೇಷತೆ. ಕರ್ನಾಟಕದ ಕರಾವಳಿ ಪ್ರದೇಶದಲ್ಲಿ ಇದಕ್ಕೆ ಹೆಚ್ಚಿನ ಪ್ರಾಧನ್ಯತೆ ನೀಡಲಾಗಿದೆ ಎಂದು ಹೇಳಿದರು.

ದ್ರವ್ಯಗುಣ ಸ್ನಾತಕೋತ್ತರ ವಿಭಾಗದ ಮುಖ್ಯಸ್ಥ ಡಾ.ಸುಬ್ರಹ್ಮಣ್ಯ ಪದ್ಯಾಣ, ಉಪನ್ಯಾಸಕರಾದ ಡಾ.ರವಿರಾಜ್, ಡಾ.ಶ್ರೀದೇವಿ, ಡಾ.ಆಶಾ ಮೊದಲಾದವರಿದ್ದರು. ಡಾ. ಅನೂಪ್ ಕಾರ್ಯಕ್ರಮ ನಿರ್ವಹಿಸಿದರು.
ಸಂಸ್ಥೆಯ ವಿದ್ಯಾರ್ಥಿಗಳು, ಸಿಬ್ಬಂದಿಗಳು ಹಾಗೂ ಸಾರ್ವಜನಿಕರು ಸೇರಿದಂತೆ ಸುಮಾರು 3 ಸಾವಿರ ಮಂದಿ ಕಷಾಯ ಕುಡಿದರು.