ದುಬೈ: ಆರ್ಸಿಬಿ ತಂಡ ಭರ್ಜರಿ ಸಿದ್ಧತೆ ನಡೆಸಿದೆ. ಯುವರಾಜ್ ಸಿಂಗ್ ಜೊತೆ ಸೇರಿಕೊಂಡು ಗಂಗ್ನಮ್ ಡ್ಯಾನ್ಸ್ ಮಾಡಲು ಕ್ರಿಸ್ಗೇಲ್ ರೆಡಿಯಾಗಿದ್ದಾರೆ. ಐಪಿಎಲ್ನ ಚೋಕರ್ಸ್ ಆಗಿರುವ ಆರ್ಸಿಬಿ, ಈ ಸಲ ಆ ಹಣೆಪಟ್ಟಿಯಿಂದ ಹೊರಬರುವುದಾಗಿ ವಿಂಡೀಸ್ ಬಿರುಗಾಳಿ ಗೇಲ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಕಳೆದ ಒಂದು ವಾರದಿಂದ ಆರ್’ಸಿಬಿ ತಂಡ ದುಬೈನಲ್ಲಿ ಅಭ್ಯಾಸ ನಡೆಸುತ್ತಿದೆ. ತಂಡದ ಪ್ರಮುಖ ಆಟಗಾರರಾದ, ಗೇಲ್, ಕೊಹ್ಲಿ, ಎಬಿಡಿ ಮತ್ತು ಯುವರಾಜ್ ತಂಡ ಕೂಡಿಕೊಂಡಿದ್ದು, ಮೈದಾನದಲ್ಲಿ ಬೆವರಿಳಿಸುತ್ತಿದ್ದಾರೆ. ಈ ಐಪಿಎಲ್ನಲ್ಲಿ ಉತ್ತಮ ಪ್ರದರ್ಶನ ನೀಡುವ ವಿಶ್ವಾಸದಲ್ಲಿದೆ. ಹಾಗೇ ಕ್ರಿಸ್ ಗೇಲ್ ಎಂದಿನಂತೆ ತಮ್ಮ ಸ್ಫೋಟಕ ಆಟದಿಂದ ಮತ್ತೆ ಅಬ್ಬರಿಸುವ ವಿಶ್ವಾಸದಲ್ಲಿದ್ದಾರೆ.
ಆರ್ಸಿಬಿ ತಂಡದ ಸದಸ್ಯನಾಗಿರುವುದಕ್ಕೆ ಯುವರಾಜ್ ಸಂತಸ ವ್ಯಕ್ತಪಡಿಸಿದ್ದಾರೆ. ವರುಣ್ ಅರೋನ್ ಕೂಡ ಆರ್ಸಿಯಲ್ಲಿ ಉತ್ತಮ ಪ್ರದರ್ಶನ ನೀಡುವುದಾಗಿ ಹೇಳಿದ್ದಾರೆ. ವಿರೋಧಿ ತಂಡಗಳಿಗೆ ರಿಯಲ್ ಚಾಲೆಂಜ್ ನೀಡಲು ತಾವು ಸಿದ್ಧರಾಗಿರುವುದಾಗಿ ಈ ಇಬ್ಬರು ಹೇಳಿಕೊಂಡಿದ್ದಾರೆ. ಇನ್ನು, ಬೆಂಗಳೂರು ರಾಯಲ್ ಚಾಲೆಂಜರ್ಸ್’ನ ಅಪದ್ಬಾಂಧವ ಡಿವಿಲಿಯರ್ಸ್ ಕೂಡ ಉತ್ತಮ ಫಾರ್ಮ್’ನಲ್ಲಿದ್ದಾರೆ. ಪ್ರಾಕ್ಟೀಸ್ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿರುವ ಅವರು, ಆರ್.ಸಿ ತಂಡದ ಇನ್’ಫಾರ್ಮ್ ಬ್ಯಾಟ್ಸ್’ಮನ್. ಈ ಸಲದ ಐಪಿಎಲ್’ನಲ್ಲಿ ಹೆಚ್ಚು ಹೊಸ ಆಟಗಾರರನ್ನು ಹೊಂದಿರುವ ತಂಡ ಆರ್’ಸಿಬಿ. ಬೌಲಿಂಗ್ ಕೋಚ್ ಅಲಾನ್ ಡೋನಾಲ್ಡ್ ಅವರ ಸಲಹೆ, ಹಿರಿಯ ಆಟಗಾರರ ಅನುಭವ ಮತ್ತು ಸಮಯೋಚಿತ ಆಟದ ನೆರವಿನಿಂದ ಗೆಲ್ಲುವ ವಿಶ್ವಾಸದಲ್ಲಿದೆ. ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧ ನಾಳೆ ಗೆದ್ದು ಟೂರ್ನಿಯಲ್ಲಿ ಶುಭಾರಂಭ ಮಾಡಲು ಉತ್ಸಕವಾಗಿರುವ ರಾಯಲ್ ಚಾಲೆಂಜರ್ಸ್ ಈ ಬಾರಿ ಐಪಿಎಲ್ ಚೋಕರ್ಸ್ ಎಂಬ ಹಣೆಪಟ್ಟಿಯಿಂದ ಹೊರಬರುವ ಆತ್ಮವಿಶ್ವಾಸದಲ್ಲಿದೆ.