ಬೈಕ್ ಮತ್ತು ಓಮ್ನಿ ಕಾರು ಮುಖಾಮುಖಿ ಢಿಕ್ಕಿ ಯಾಗಿ ವ್ಯಕ್ತಯೊಬ್ಬರು ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿರುವ ಘಟನೆ ಕಿನ್ನಿಗೋಳಿ ಸಮೀಪದ ಮೂರುಕಾವೇರಿ ಕಟೀಲು ದ್ವಾರದ ಬಳಿನಡೆದಿದೆ. ಗಾಯಗೊಂಡ ವರನ್ನು ಪಕ್ಷಿಕರೆ- ಕೆಮ್ರಾಲ್ ನಿವಾಸಿ ಹಸೈನ್ (೪೬ವ) ಎಂದು ಗುರುತಿಸಲಾಗಿದೆ .
ಮಧ್ಯಾಹ್ನ ಊಟ ಮಾಡಲೆಂದು ನಿಡ್ಡೋಡಿಯಿಂದ ತನ್ನ ಮನೆಗೆ ಬರುತ್ತಿದ್ದಾಗ ಕಿನ್ನಿಗೋಳಿ ಕಡೆಯಿಂದ ಬಂದ ಓಮ್ನಿ ಕಾರು ಕಟೀಲ್ ಕಡೆಗೆ ಹೋಗುವ ಅವಸರದಲ್ಲಿ ಮುನ್ಸೂಚನೆ ನೀಡದೆ ಬಲಕ್ಕೆ ತಿರುಗಿಸಿದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ. ಸುರತ್ಕಲ್ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.