ಬಂಟ್ವಾಳ: ಬಿ.ಸಿ.ರೋಡಿನ ಅಜ್ಜಿಬೆಟ್ಟುವಿನಲ್ಲಿರುವ ಸರಕಾರಿ ಹೈಸ್ಕೂಲ್ ಮತ್ತು ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಆಕಾಂಕ್ಷ ಚಾರಿಟೇಬಲ್ ಟ್ರಸ್ಟ್ ಮತ್ತು ಕೋಡ್ ಕ್ರಾಫ್ಟ್ ಟೆಕ್ನಾಲಜಿಸ್ ಸಹಯೋಗದಲ್ಲಿ ಕೋಡ್ ಕ್ರಾಫ್ಟ್ ವಿಜ್ಞಾನ ಮೇಳ,ಉತ್ತಮ ಬದುಕಿಗಾಗಿ ವಿಜ್ಞಾನ ಉದ್ದೇಶದೊಂದಿಗೆ ನಡೆಯಿತು.
ಪ್ರಾಥಮಿಕ ಶಾಲೆ ಮತ್ತು ಪ್ರೌಢಶಾಲೆಯ ವಿದ್ಯಾರ್ಥಿಗಳು ವಿಜ್ಞಾನದ ಮಾಡೆಲ್ ಗಳನ್ನು ಮಾಡಿ ಭಾಗವಹಿಸಿದ್ದರು.
ಪ್ರಾಥಮಿಕ ವಿಭಾಗದಲ್ಲಿ ಪ್ರಥಮ ಸ್ಥಾನವನ್ನು ಆರನೇ ತರಗತಿಯ ಯಜ್ಞಶ್ರೀ, ದ್ವಿತೀಯ ಸ್ಥಾನವನ್ನು ಐದನೇ ತರಗತಿಯ ವಿಹಾನ್ ರೋಸಾರಿಯೋ, ತೃತೀಯ ಸ್ಥಾನವನ್ನು ಏಳನೇ ತರಗತಿಯ ನಿಶ್ಮಿತ್ ಮತ್ತು ವಿಹಾನ್ ಪಡೆದರು.
ಎರಡನೇ ತರಗತಿಯ ಸ್ವಾತಿ, ತೀರ್ಥನ್, ಮೂರನೇ ತರಗತಿಯ ನಿಹಾಲ್, 6ನೇ ತರಗತಿಯ ಸುಮಂತ್ ಮತ್ತು ಋತ್ವಿ ಭಾಗವಹಿಸಿದ ಇತರರು.
ಪ್ರೌಢಶಾಲೆ ವಿಭಾಗದಲ್ಲಿ ಪ್ರಥಮ ಸ್ಥಾನವನ್ನು ಆರ್ಯ ಮತ್ತು ರಾಘವೇಂದ್ರ, ದ್ವಿತೀಯ ಸ್ಥಾನವನ್ನು ಕೀರ್ತನ್ ಮತ್ತು ದೇವಿತ್, ತೃತೀಯ ಸ್ಥಾನವನ್ನು ದನಿ ಮತ್ತು ವಿನೀತ್ ಪಡೆದರು. ಕೃತೇಶ್,ನಿರೀಕ್ಷ್, ಪ್ರಜ್ವಲ್, ವೈಭವ್, ಶ್ರೀಸಾಯಿ ಮತ್ತು ಲಾವಣ್ಯ ಭಾಗವಹಿಸಿದ ಇತರರು.
ತೀರ್ಪುಗಾರರಾಗಿ ಆಕಾಂಕ್ಷ ಚಾರಿಟೇಬಲ್ ಟ್ರಸ್ಟ್ ನ ಸ್ವಯಂ ಸೇವಕರು ಮತ್ತು ವಿವೇಕಾನಂದ ಇಂಜಿನಿಯರಿಂಗ್ ಕಾಲೇಜು ವಿದ್ಯಾರ್ಥಿಗಳಾದ ಶ್ರೀವತ್ಸ, ನಿಶಾಂತ್ , ಮೇಘ, ಶ್ರೀಶ್ರಾವ್ಯ ಭಾಗವಹಿಸಿದ್ದರು. ವಿಜೇತರಿಗೆ ಕ್ರಮವಾಗಿ 1000, 750, 500 ರೂ ನಗದು ಬಹುಮಾನ ಮತ್ತು ಪ್ರಶಸ್ತಿ ಪತ್ರ ವಿತರಿಸಲಾಯಿತು. ಬಹುಮಾನ ವಿತರಣೆ ಸಂದರ್ಭ ಎರಡೂ ಶಾಲೆಗಳ ಶಿಕ್ಷಕರು ಹಾಜರಿದ್ದರು