ಬಂಟ್ವಾಳ: ದ.ಕ.ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷರಾಗಿ ಬಿ.ಸಿ.ರೋಡಿಗೆ ಸಮೀಪದ ಬಡಕಬೈಲಿನ ಇಬ್ರಾಹಿಂ ನವಾಝ್ ಅವರು ಆಯ್ಕೆಗೊಂಡಿದ್ದಾರೆ. ಯುವ ಕಾಂಗ್ರೆಸ್​​​ನ ರಾಜ್ಯ,ಜಿಲ್ಲಾ ಹಾಗೂ ಬ್ಲಾಕ್ ಸಹಿತ ವಿವಿಧ ಹುದ್ದೆಗಳಿಗೆ 2024ರ ಆಗಸ್ಟ್ ನಲ್ಲಿ ಮತದಾನ ನಡೆದಿದ್ದು, ಫೆ. 7ರಂದು ಫಲಿತಾಂಶ ಪ್ರಕಟಗೊಂಡಿದೆ. ದ.ಕ.ಜಿಲ್ಲಾ ಯುವ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಒಟ್ಟು ಎಂಟು ಅಭ್ಯರ್ಥಿಗಳು ಕಣದಲ್ಲಿದ್ದು, 10,942 ಮತಗಳನ್ನು ಗಳಿಸಿ ನವಾಝ್ ಅವರು ಆಯ್ಕೆಗೊಂಡಿದ್ದಾರೆ. ಈ ಹಿಂದೆ ಪಾಣೆಮಂಗಳೂರು‌ ಬ್ಲಾಕ್ ಯುವ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದ ಅನುಭವವನ್ನು ಹೊಂದಿದ್ದಾರೆ.