ಅಂಗಡಿಗೆ ದಾಳಿ: ಗೋಮಾಂಸ ಪತ್ತೆ,ಒರ್ವನ ಬಂಧನ

ಬಂಟ್ವಾಳ: ಪಾಣೆಮಂಗಳೂರಿಗೆ ಸಮೀಪದ ನಂದಾವರದಲ್ಲಿ ಅಂಗಡಿಯೊಂದಕ್ಕೆಗುರುವಾರ ಮಧ್ಯಾಹ್ನ ದಾಳಿ ನಡೆಸಿದ  ಬಂಟ್ವಾಳ ನಗರ ಠಾಣಾ ಪೊಲೀಸರ  ತಂಡ ನಡೆಸಿದ ಅಕ್ರಮವಾಗಿ ದನದ ಮಾಂಸವನ್ನು ಮಾರಾಟ ಮಾಡುತ್ತಿರುವುದನ್ನು ಪತ್ತೆಹಚ್ಚಿದ್ದಾರೆ,ಈ ಸಂಬಂಧ ಓರ್ವನನ್ನು ಬಂಧಿಸಿದ್ದಾರೆ.

ಮಾರಿಪಳ್ಳದ ಬಶೀರ್ (52) ಬಂಧಿತ ಆರೋಪಿಯಾಗಿದ್ದಾನೆ.ದಾಳಿಯ ವೇಳೆ ಮತ್ತೋರ್ವ ಆರೀಫ್ ಎಂಬಾತ ಪರಾರಿಯಾಗಿರುವುದಾಗಿ ಬಂಟ್ವಾಳ ನಗರ ಪೊಲೀಸರು ತಿಳಿಸಿದ್ದಾರೆ. ಬಂಧಿತನಿಂದ ಸುಮಾರು 30 ಕೆಜಿಯಷ್ಟು ದನದ ಮಾಂಸವನ್ನು ವಶಪಡಿಸಿಕೊಳ್ಳಲಾಗಿದೆ.

ಇದರ ಮೌಲ್ಯ 8,400 ರೂ ಎಂದು ಅಂದಾಜಿಸಲಾಗಿದೆ.ಖಚಿತ ಮಾಹಿತಿಯನ್ವಯ, ಬಂಟ್ವಾಳ ನಗರ ಠಾಣೆಯ ಎಸ್ ಐ ಅವಿನಾಶ್ ಮತ್ತವರ ತಂಡ ಈ ದಾಳಿ ಕಾರ್ಯಾಚರಣೆ ನಡೆಸಿದ್ದಾರೆ.ಈ ಬಗ್ಗೆ ಪ್ರಕರಣ ದಾಖಲಾಗಿದ್ದು ,ಮುಂದಿನ ತನಿಖೆ ನಡೆಯುತ್ತಿದೆ.