ಉಡುಪಿ; ನಗರದ ಕವಿ ಮುದ್ದಣ ಮಾರ್ಗ ಇಲ್ಲಿಯ ಶ್ರೀನಿತ್ಯಾನಂದ ಮಂದಿರ- ಮಠಕ್ಕೆ ಭಾನುವಾರ ದಿನ ಆಗಮಿಸಿದ ನಾಥ ಪಂಥ ಸಂಪ್ರದಾಯದ, ಕೇರಳ ಮೂಲದ ‘ಶ್ರೀಶ್ರೀ ಶಾಂತಿನಾಥ ತಪಸ್ವಿ ಬಾಬಾ’ ಅವರು ಗುರು ದರ್ಶನ ಮಾಡಿದರು,.ರಾತ್ರಿಯ ಪೂಜೆಯಲ್ಲಿ ಭಾಗಿಯಾದರು. ಅವರನ್ನು ಕ್ಷೇತ್ರದ ಅಧ್ಯಕ್ಷರಾದ ಎರ್ಮಾಳ್ ಶಶಿಧರ್ ಶೆಟ್ಟಿ ಅವರು ಸ್ವಾಗತಿಸಿದರು.
ಶ್ರೀ ವಾಸುದೇವಾನಂದ ಸರಸ್ವತಿ ಸ್ವಾಮೀಜಿಗಳು, ಉಪಧ್ಯಾಕ್ಷರಾದ ಶಶಿಕುಮಾರ್ ಶೆಟ್ಟಿ, ಅರ್ಚಕ ಆರೂರು ಕೃಷ್ಣಮೂರ್ತಿ ಭಟ್, ಆಶ್ರಮಸೇವಕ ತಾರಾನಾಥ್ ಮೇಸ್ತ ಶಿರೂರು, ಹಾಗೂ ಶ್ರೀನಿತ್ಯಾನಂದ ಮಂದಿರದ ಆಡಳಿತ ಮಂಡಳಿಯ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಶ್ರೀ ಶಾಂತಿನಾಥ ಬಾಬಾ ರವರ ಜಡೆಕಟ್ಟಿದ ತಲೆಕೂದಲು 7 ಅಡಿವರೆಗೆ ಉದ್ದ ಬೆಳೆದಿರುವುದು ಭಕ್ತರ ಗಮನ ಸೆಳೆಯಿತು. ಭಾನುವಾರ ದಿನ ಮಂದಿರದಲ್ಲಿ ಮೊಕ್ಕಾಂ ಹೂಡಿದ ಶ್ರೀಗಳು ಮರುದಿನ ಬೆಳಿಗ್ಗೆ ಉತ್ತರ ಪ್ರದೇಶದ ಪ್ರಯಾಗ್ ರಾಜ್, ಇಲ್ಲಿ ನಡೆಯುವ ಪವಿತ್ರ ಕುಂಭಮೇಳದಲ್ಲಿ ಭಾಗಿಯಾಗಲು ಪ್ರಯಾಣ ಬೆಳೆಸಿದರು.