ಬಂಟ್ವಾಳ: ತಾಯಿಯ ಎದೆ ಹಾಲು ಮಗುವಿಗೆ ಮಾನಸಿಕ, ದೈಹಿಕ ಬೆಳವಣಿಗೆಯ ಜೊತೆಯಲ್ಲಿ ಉತ್ತಮ ಆರೋಗ್ಯವನ್ನು ನೀಡುತ್ತದೆ, ತಾಯಿಯ ಆರೋಗ್ಯವನ್ನು ಹೆಚ್ಚಿಸುತ್ತದೆ. ಎಂದು ಗೋಳ್ತಮಜಲು ಗ್ರಾ.ಪಂ, ಅದ್ಯಕ್ಷೆ ಜಯಲಕ್ಮೀ ಭಟ್ ಹೇಳಿದರು . ಅವರು ಮಹಿಳಾ ಮತ್ತು ಮಕ್ಕಳ ಅಭಿವೃದ್ದಿ ಇಲಾಖೆ, ಗೋಳ್ತಮಜಲು ಗ್ರಾ.ಪಂ. ಮತ್ತು ಗೋಳ್ತಮಜಲು, ಅಮ್ಟೂರು ಸ್ರ್ತೀ ಶಕ್ತಿ ಗೊಂಚಲು ಅಂಗನವಾಡಿ ಕೇಂದ್ರಗಳ ಸಂಯುಕ್ತ ಆಶ್ರಯದಲ್ಲಿ ಗೋಳ್ತಮಜಲು ಗ್ರಾ.ಪಂ. ಸಭಾಂಗಣದಲ್ಲಿ ನಡೆದ ವಿಶ್ವ ಸ್ತನ್ಯ ಪಾನ ಸಪ್ತಾಹ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.
ತಾಯಿಯ ಸೌಂಧರ್ಯಕ್ಕೆ ಧಕ್ಕೆಯಾಗುತ್ತದೆ ಎನ್ನುವ ದೃಷ್ಟಿಯಿಂದ ಮಗುವಿಗೆ ಎದೆ ಹಾಲನ್ನು ಕೊಡದೆ ಮಗುವಿನ ಭವ್ಯ ಭವಿಷ್ಯವನ್ನು ಹಾಳು ಮಾಡಬೇಡಿ. ಮಗುವಿಗೆ ತಾಯಿಯ ಎದೆ ಹಾಲು ಪರಿಪೂರ್ಣ ಆಹಾರ , ಸಂಪೂರ್ಣ ಮತ್ತು ಸುರಕ್ಷಿತ ಆಹಾರ ಹಾಗಾಗಿ ಮಗುವಿನ ಲಾಲನೆ ಪಾಲನೆಯ ಮಹತ್ತರ ಜವಬ್ದಾರಿಯಲ್ಲಿ ಇದು ಪ್ರಾಮುಖ್ಯ ಅಂಶವಾಗಿದೆ ಎಂದರು. ಬಾಳ್ತಿಲ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ| ವಿಶ್ವೇಶ್ವರ ಎಂ.ಕೆ. ಸ್ತನ್ಯ ಪಾನದ ಬಗ್ಗೆ ಮಾಹಿತಿ ನೀಡಿದರು. ಮ್ಕಕಳ ಕಲ್ಯಾಣ ಸಮಿತಿಯ ಸದಸ್ಯ ಉಮೇಶ್ ನಿರ್ಮಲ್ ಬಾಲಕಾರ್ಮಿಕ ಮತ್ತು ಮಕ್ಕಳ ಮಾರಾಟ ಸಾಗಾಟ ದ ಬಗ್ಗೆ ಸಭೆಯಲ್ಲಿ ಮಾಹಿತಿ ನೀಡಿದರು. ವೇದಿಕೆಯಲ್ಲಿ ಗ್ರಾ.ಪಂ.ಸದಸ್ಯರಾದ ಶೇಖರ ಕೊಟ್ಟಾರಿ, ಗುರುವಪ್ಪ ಗೌಡ, ರಾಜೇಶ್ ಕೊಟ್ಟಾರಿ, ಜಯಂತ ಗೌಡ, ಲತಾ, ಪೂರ್ಣಿಮಾ ರಾವ್,ಗಿರೀಶ್, ಜಯಶ್ರೀ, ಲಲಿತ, ಆಯಿಷಾ, ಲಖಿತಾ ಆರ್. ಶೆಟ್ಟಿ , ಮೇಲ್ವಿಚಾರಕಿ ಶಾಲಿನಿ ಮತ್ತು ಆರೋಗ್ಯ ಮಿತ್ರ ಉಷಾ ಉಪಸ್ಥಿತರಿದ್ದರು. ಅರುಣಾರಾವ್ ಸ್ವಾಗತಿಸಿ, ಯಮುನ ವಂದಿಸಿದರು. ಸರ್ವಾಣಿ ಕಾರ್ಯಕ್ರಮ ನಿರೂಪಿಸಿದರು.