ಕೈಕಂಬ : ಎಂಎಲ್ಸಿ ಬಿ ಎಂ ಫಾರೂಕ್ ಅವರ ಮೂರು ಲಕ್ಷ ಅನುದಾನದಲ್ಲಿ ಗುರುಪುರ ಕೈಕಂಬ ಕಾನ್ವೆಂಟ್ ಬಳಿ ನಿರ್ಮಾಣಗೊಳ್ಳಲಿರುವ ರಿಕ್ಷಾ ಪಾರ್ಕ್ ಗೆ ಫೆ.14ರಂದು ಸೋಮವಾರ ಗುರುಪುರ ಗ್ರಾಮ ಪಂಚಾಯತ್ ಅಧ್ಯಕ್ಷ ಯಶವಂತ ಕುಮಾರ್ ಶೆಟ್ಟಿ ಶಿಲಾನ್ಯಾಸ ನೆರವೇರಿಸಿದರು.
ಗುರುಪುರ ದಾರೂಸಲಾಂ ಜುಮ್ಮಾ ಮಸೀದಿ ಧರ್ಮಗುರು ಜಮಾಲ್ ದಾರಿಮಿ ರಿಕ್ಷಾ ಪಾರ್ಕ್ ರಚನೆಗೆ ಪ್ರಾರ್ಥನೆ ಸಲ್ಲಿಸಿದರು. ಜಿಪಂ ನಿಕಟಪೂರ್ವ ಸದಸ್ಯ ಯು ಪಿ ಇಬ್ರಾಹಿಂ, ಪಂಚಾಯತ್ ಸದಸ್ಯರಾದ ದಾವೂದ್, ಸದಾಶಿವ ಶೆಟ್ಟಿ, ಎ ಕೆ ಅಶ್ರಫ್, ರಿಕ್ಷಾ ಚಾಲಕರು, ಮುಸ್ತಫಾ, ಜಲೀಲ್, ಹಸನ್ ಬಾವ, ಕಾಂಗ್ರೆಸ್ ಮುಖಂಡ ಹರೀಶ್ ಭಂಡಾರಿ, ಗ್ಲಾಡಿಸ್ ಕ್ವಾಡ್ರಸ್, ರಿಕ್ಷಾ ಪಾರ್ಕ್ ಅಧ್ಯಕ್ಷ ಅಬ್ದುಲ್ ರಜಾಕ್ ಹಾಗೂ ರಿಕ್ಷಾ ಚಾಲಕರು ಉಪಸ್ಥಿತರಿದ್ದರು.