ಕಾಂಜಿಲಕೋಡಿ ರಸ್ತೆ ಶಿಲಾನ್ಯಾಸ

ಗುರುಪುರ : ಗ್ರಾಮೀಣ ರಸ್ತೆಗಳು ಉತ್ತಮವಾಗಿ ರೂಪುಗೊಂಡು ಗ್ರಾಮೀಣ ಭಾಗದ ಜನತೆಗೆ ಉಪಯೋಗವಾಗುವಂತಾದಾಗ ಮಾತ್ರ ನೈಜ ಆದರ್ಶ ಗ್ರಾಮದ ಮಾದರಿಯಾಗಲು ಸಾಧ್ಯ ಎಂದು ಮಂಗಳೂರು ಉತ್ತರ ವಿಧಾನಸಭಾ ಕ್ಷೇತ್ರದ ಶಾಸಕರಾದ ಮೊಹಿಯುದ್ದಿನ್ ಬಾವಾ ಹೇಳಿದರು

ನಮ್ಮ ಗ್ರಾಮ ನಮ್ಮ ರಸ್ತೆ ಯೋಜನೆಯಡಿಯಲ್ಲಿ ಅಡ್ಡೂರು ಬಳಿಯ ಕಾಂಜಿಲಕೋಡಿ ಹಾಗೂ ನೂಯಿ ಸಂಪರ್ಕಿಸುವ ರಸ್ತೆಗೆ 1 ಕೊಟಿ 25 ಲಕ್ಷ ಅನುದಾನ ಮಂಜೂರುಗೊಳಿಸಿ ಅದೇ ರಸ್ತೆಯ ಶಿಲಾನ್ಯಾಸ ನೆರವೇರಿಸಿ ಮಾತನಾಡುತ್ತಿದ್ದರು. ಹಳ್ಳಿಗಳ ರಸ್ತೆ ಅಭೀವೃದ್ಧಿ ಹೊಂದಿ ಹಳ್ಳಿಯ ಜನತೆಗೆ ಉಪಯೋಗವಾಗುವಂತಾದರೆ ಅದೇ ದೊಡ್ಡ ಆಶಿರ್ವಾದದಂತೆ ಎಂದು ಅವರು ಹೇಳಿದರು.
ಕಾರ್ಯಕ್ರಮದಲ್ಲಿ ದ.ಕ ಜಿಲ್ಲಾ ಪಂಚಾಯತ್ ಸದಸ್ಯರಾದ ಯು.ಪಿ ಇಬ್ರಾಹಿಂ , ತಾ.ಪಂ ಸದಸ್ಯರಾದ ಸಚಿನ್ ಅಡಪ, ಗುರುಪುರ ಗ್ರಾಮ ಪಂಚಾಯತ್ ಅದ್ಯಕ್ಷೆ ರುಕಿಯಾ , ಉಪಾದ್ಯಕ್ಷ ಜಿ ಉದಯ್ ಭಟ್ , ಸದಸ್ಯೆ ಪದ್ಮಿನಿ ಅಂಚನ್,ಜಯಲಕ್ಷ್ಮಿ, ಸದಸ್ಯರಾದ ಹನೀಫ್ , ಸದಾಶಿವ ಶೆಟ್ಟಿ , ಅಹ್ಮದ್ ಬಾವಾ ,ಜಲೀಲ್, ಕೆಪಿಸಿಸಿ ಸದಸ್ಯರಾದ ಪೃಥ್ವಿರಾಜ್ ,ಗುರುಪುರ ಬ್ಲಾಕ್ ಕಾಂಗ್ರೆಸ್ ಅದ್ಯಕ್ಷರಾದ ರವೀಂದ್ರ ಕಂಬಳಿ, ಯುವ ಕಾಂಗ್ರೆಸ್‍ನ ಮುಂದಾಳು ಗಿರೀಶ್ ಆಳ್ವಾ, ಗುತ್ತಿಗೆದಾರರಾದ ಸುಧಾಕರ್ ಶೆಟ್ಟಿ, ಉಪಸ್ಥಿತರಿದ್ದರು.