ಮಂಗಳೂರು: ಮರವೂರು ಡ್ಯಾಂಬ ಬಳಿ ನೀರುಪಾಲಾಗಿದ್ದ ಬಿಜೈ ರಾಜನ ಕೊಲೆ ಆರೋಪಿಗಳಾದ ಕಾವೂರು ವಿದ್ಯಾನಗರ ನಿವಾಸಿ ಜೈಸನ್ ಡಿಸೋಜಾ(24) ಹಾಗೂ ಕಾವೂರು ಪಂಜಿಮೊಗರು ನಿವಾಸಿ ಅವಿನಾಶ್(26) ಎಂಬಾತನ ಶವ ಪಣಂಬೂರಿನ ತಣ್ಣೀರು ಬಾವಿ ಹೊಳೆಯಲ್ಲಿ ಪತ್ತೆಯಾಗಿದೆ.
ಕಳೆದ ಮಂಗಳವಾರ ಸಂಜೆ ಬಜ್ಪೆ ಸಮೀಪದ ಮರವೂರು ಸಮೀಪದ ವೆಂಟೆಡ್ ಡ್ಯಾಂ ಬಳಿ ಮೀನು ಹಿಡಿಯಲು ತೆರಳಿದ್ದ ವೇಳೆ ಇವರಿಬ್ಬರು ನೀರುಪಾಲಾಗಿದ್ದು ಈತನ ಉಳಿದ ಆರು ಮಂದಿ ಸಹವತರ್ಿಗಳಿಗೆ ಅವರನ್ನು ಮೇಲಕ್ಕೆತ್ತಲು ಸಾಧ್ಯವಾಗಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಕಳೆದ ಮಂಗಳವಾಋ ಸಂಜೆಯಿಂದ ಇಂದಿನ ತನಕ ಬಜ್ಪೆ, ಅದ್ಯಪಾಡಿ, ಮರವೂರು, ಪಣಂಬೂರು ಸುತ್ತೆಲ್ಲಾ ಮುಳುಗು ತಜ್ಞರು, ಅಗ್ನಿಶಾಮಕ ಸಿಬ್ಬಂದಿ ಶವಕ್ಕಾಗಿ ಶೋದ ನಡೆಸಲಾಗುತ್ತಿತ್ತು. ಈ ವೇಳೆ ಜೈಸನ್ ಹಾಗೂ ಅವಿನಾಶ್ ಶವ ಪಣಂಬೂರು ತಣ್ಣೀರುಬಾವಿ ಬೀಚ್ ಬಳಿ ಪತ್ತೆಯಾಗಿದೆ. ಪಣಂಬೂರು ಠಾಣಾ ಪೊಲೀಸರು ಮೃತದೇಹವನ್ನು ಮೇಲಕ್ಕೆತ್ತಿ ವೆನ್ಲಾಕ್ ಶವಾಗಾರಕ್ಕೆ ಸಾಗಿಸಿದ್ದಾರೆ.