ತೊಕ್ಕೊಟ್ಟು: ಕುಕ್ಕುದಕಟ್ಟೆ ನಿತ್ಯಾನಂದ ನಗರದಲ್ಲಿರುವ ಶಾಗಿಲ್ ಸಂಸ್ಥೆ ಮಾಲೀಕ ಶೈಲೇಶ್ ಕುಮಾರ್ ವಿರುದ್ಧ ಅವರ ಪತ್ನಿ ನಿಶಾ. ಎಸ್. ಕುಮಾರ್ 50 ಸಾವಿರ ಡಾಲರ್ ವಂಚನೆ ದೂರನ್ನು ದಾಖಲಿಸಿದ್ದಾರೆ.
ನಿಶಾ ಎಸ್. ಕುಮಾರ್ ಅವರು 2008-09ರಲ್ಲಿ 50 ಸಾವಿರ ಡಾಲರ್ ಮೊತ್ತವನ್ನು ಗಿಲ್ರಾಜ್ ಮುನಿ ಮತ್ತು ಸರಿತ ಕೆ. ಮುನಿ ಅವರ ಎಎನ್ಝೆಡ್ ನ್ಯಾಷನಲ್ ಬ್ಯಾಂಕ್ನ ನ್ಯೂಜಿಲೆಂಡಿನ ವೆಲಿಂಗ್ಟನ್ ಜಾಂಬ್ಟನ್ ಕುವೆ ಬ್ರಾಂಚ್ನ ಖಾತೆ ನಂ.060225027172500ಕ್ಕೆ ಹಾಕಿದ್ದರೆನ್ನಲಾಗಿದೆ.
ವಾಚ್ ಬಿಡಿಭಾಗ ನಿರ್ಮಾಣ ಸಂಸ್ಥೆಯ ಮಾಲೀಕ ಶೈಲೇಶ್ ಕುಮಾರ್ ಈ ಮೊತ್ತವನ್ನು ವಾಪಸು ನೀಡುವ ಭರವಸೆ ನೀಡಿದ್ದರು. ಮತ್ತೆ ಅದೇ ಹಣವನ್ನು ರಾಜೇಶ್ ಭಟ್ ಎಂಬವರು ಭಾರತಕ್ಕೆ ತಂದು ಗಿಲ್ ರಾಜ್ ವಿ.ಮುನಿ ದಂಪತಿಗೆ ನೀಡಿದ್ದರು. ಆದರೆ ಇದೀಗ ದೂರವಾಣಿ ಮತ್ತು ಪತ್ರದ ಮೂಲಕ ಶೈಲೇಶ್ ಅವರಲ್ಲಿ ಹಣ ವಾಪಾಸು ನೀಡುವಂತೆ ನಿಶಾ ಅವರು ಮನವಿ ಮಾಡಿದ್ದರೂ, ಹಣ ನೀಡದೆ ಮೋಸ ಮಾಡಿದ್ದಾರೆ ಎಂದು ಉಳ್ಳಾಲ ಠಾಣೆಯಲ್ಲಿ ದೂರು ದಾಖಲಿಸಿದ್ದು ಪ್ರಕರಣ ದಾಖಲಾಗಿದೆ.
