ವಿಕಾಸ್ ಕಾಲೇಜಿನ ಪಿಯು ಟಾಪರ್ ಪೃಥ್ವೀಗೆ ಸನ್ಮಾನ

ಮಂಗಳೂರು : ಈ ಬಾರಿಯ ಪಿಯು ಬೋರ್ಡ್ ಪರೀಕ್ಷೆಯಲ್ಲಿ 583(ಶೇ. 97.16) ಅಂಕದೊಂದಿಗೆ ಅಗ್ರ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿದ ಮಂಗಳೂರು ವಿಕಾಸ್ ಪಿಯು ಕಾಲೇಜಿನ ಪೃಥ್ವೀಗೆ ಕಾಲೇಜಿನ ಅಧ್ಯಕ್ಷ, ಮಾಜಿ ಸಚಿವ ಕೃಷ್ಣ ಜೆ. ಪಾಲೆಮಾರ್ ಶನಿವಾರ ಕಾಲೇಜಿನಲ್ಲಿ ಶಾಲು ಹೊದಿಸಿ ಸನ್ಮಾನಿಸಿದರು.

ಕಾಲೇಜಿನ ವಿಜ್ಞಾನ ವಿಭಾಗದಲ್ಲಿ ಪ್ರಥಮ ರ್ಯಾಂಕ್ ಗಳಿಸಿರುವ ಪೃಥ್ವೀ ಗುರುಪುರ ಕೈಕಂಬದ ಜಿ ಟಿ ಸುಬ್ರಹ್ಮಣ್ಯ ಭಟ್ ಮತ್ತು ಶ್ರೀದೇವಿ ಜಿ ಟಿ ದಂಪತಿಯ ಪುತ್ರಿಯಾಗಿದ್ದಾಳೆ. ಈ ಸಂದರ್ಭದಲ್ಲಿ ಕಾಲೇಜಿನ ಆಡಳಿತ ಟ್ರಸ್ಟಿ ಡಾ. ರಾಜೇಶ್ ಬಳ್ಳಾಲ್, ಜಿ ಕೊರಗಪ್ಪ ಮತ್ತು ಸೂರಜ್ ಕಲ್ಯ(ಸಲಹೆಗಾರರು), ಡಾ. ಅನಂತ ಪ್ರಭು, ನಿರ್ದೇಶಕ ರಾಜಾರಾಮ್ ರಾವ್, ಡೀನ್ ಡಾ. ಮಂಜುಳಾ ರಾವ್, ಪ್ರಾಂಶುಪಾಲ ಸುನೀಲ್ ಮಲಗಿ ಮೊದಲಾದವರಿದ್ದರು.