ಯಕ್ಷಗಾನ ಬಯಲಾಟದ ಬೆಳ್ಳಿಹಬ್ಬ

ಬಂಟ್ವಾಳ: ಸಜೀಪಮೂಡ ಗ್ರಾಮ ಪಣೋಲಿಬೈಲು    ಶ್ರೀ ಅಯ್ಯಪ್ಪಸ್ವಾಮಿ ಬಯಲಾಟ ಸೇವಾ ಸಮಿತಿಯ  ಆಶ್ರಯದಲ್ಲಿ ಯಕ್ಷಗಾನ ಬಯಲಾಟದ ಬೆಳ್ಳಿಹಬ್ಬವನ್ನು ಆಚರಿಸಲಾಯಿತು.   ಈ ಸಂಬಂಧ ನಡೆದ ಧಾರ್ಮಿಕ ಸಭೆಯಲ್ಲಿ  ಶ್ರೀ ಸಂಪುಟ ನರಸಿಂಹ ಸ್ವಾಮಿ ಮಠ ಶ್ರೀ ಮಧ್ವಾಚಾರ್ಯ ಸಂಸ್ಥಾನಂ ಸುಬ್ರಹ್ಮಣ್ಯದ    ಶ್ರೀ ವಿದ್ಯಾಪ್ರಸನ್ನ ತೀರ್ಥ ಸ್ವಾಮೀಜಿ ಆಶೀರ್ವಚನಗೈದರು.

ಸಭೆಯ ಅಧ್ಯಕ್ಷತೆಯನ್ನು ದ.ಕ. ಜಿ. ಪಂ. ಮಾಜಿ ಅಧ್ಯಕ್ಷ ಬಿ ಸದಾನಂದ ಪೂಂಜ ವಹಿಸಿದ್ದರು. ಪಾಣೆಮಂಗಳೂರು ರೈತರ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಜಯಶಂಕರ ಬಾಸ್ರಿತ್ತಾಯ, ಧಾರ್ಮಿಕ ಮುಂದಾಳು ಎಂ ಸುಬ್ರಹ್ಮಣ್ಯ ಭಟ್, ಸಜೀಪ ಗುತ್ತು ಗಡಿ ಪ್ರಧಾನವಾದ ಮುಂಡಪ್ಪ ಶೆಟ್ಟಿ ಯಾನೆ ಕೋಚು ಭಂಡಾರಿ ಉಪಸ್ಥಿತರಿದ್ದರು . ಇದೇ ವೇಳೆ   15ಮಂದಿ ಗಣ್ಯರನ್ನು ಸನ್ಮಾನಿಸಲಾಯಿತಲ್ಲದೆ  ಬೆಳ್ಳಿಹಬ್ಬದ  ಪ್ರಯುಕ್ತ        ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಇವರಿಂದ ಸತತವಾಗಿ 25 ವರ್ಷದ ಯಕ್ಷಗಾನ-ಬಯಲಾಟ ಸೇವೆ  ನಡೆಸಲಾಯಿತು ಹಾಗೆಯೇ 108 ಕಾಯಿ ಗಣಹೋಮ, ಟ ಚಂಡಿಕಾ ಹೋಮ ಅನ್ನಸಂತರ್ಪಣೆಯು ಜರಗಿತು.