ಗುರುಪುರ : ಸತತ ಸುರಿಯುತ್ತಿರುವ ಗಾಳಿ-ಮಳೆಗೆ ಗುರುಪುರ ಫಲ್ಗುಣಿ ನದಿ ಉಕ್ಕೇರಿ ಹರಿಯುತ್ತಿದ್ದು, ನದಿ ದಂಡೆಗೆ ಹೊಂದಿಕೊಂಡಿರುವ ಪ್ರದೇಶಗಳಲ್ಲಿ ಪ್ರವಾಹ ಭೀತಿ ಎದುರಾಗಿದೆ.
ಗುರುಪುರ ಹೋಬಳಿಯ ಮರಂಕರಿಯ, ಕುಕ್ಕುದಕಟ್ಟೆ, ಕಾರಮೊಗರು, ಕೊಳಕೆಬೈಲು, ಮಾಂಜ, ದೋಣಿಂಜೆ, ಏತಮೊಗರು, ಆದ್ಯಪಾಡಿ ಮತ್ತಿತರ ತಗ್ಗುಪ್ರದೇಶಗಳು ಪ್ರವಾಹದಿಂದ ಜಲಾವೃತಗೊಂಡಿವೆ. ಇದೇ ರೀತಿ ರಾತ್ರಿಯೂ ಬಿರುಸಿನ ಮಳೆಯಾದಲ್ಲಿ ಪ್ರವಾಹ ಪರಿಸ್ಥಿತಿ ವಿಕೋಪಗೊಳ್ಳಲಿದ್ದು, ಅನಿವಾರ್ಯವಾಗಿ ನದಿಪಾತ್ರದ ನಿವಾಸಿಗರು ಸ್ಥಳಾಂತರಗೊಳ್ಳಬೇಕಾಗುತ್ತದೆ.