ಕೈಕಂಬ: ಕೆಎಸ್‍ಆರ್‍ಟಿಸಿ ಮಂಗಳೂರು ಹಾಗೂ ನಿಶಾ ಟ್ರಾವೆಲ್ಸ್ ಗಂಜಿಮಠ ಇದರ ಸಹಯೋಗದಿಂದ ಪ್ರಪ್ರಥಮ ಬಾರಿಗೆ ಗಂಜಿಮಠದಿಂದ ತಿರುಪತಿಗೆ ಬಸ್ಸಿನಲ್ಲಿ ತೆರಳಲು ಅವಕಾಶ ಕಲ್ಪಿಸಲಾಗಿದೆ. ವೋಲ್ವೋ ಮಲ್ಟಿಆಕ್ಸೆಲ್ ಬಸ್ಸಿನಲ್ಲಿ ಶ್ರೀಮಹಾಗಣಪತಿ ದೇವಸ್ಥಾನ ಗಂಜಿಮಠದಿಂದ ಒಟ್ಟು 44 ಪ್ರಯಾಣಿಕರು ತೆರಳುವ ಮೂಲಕ ಯಾತ್ರೆ ಶುಭಾರಂಭಗೊಂಡಿತು.
ಈ ವೇಳೆ ಕೆಎಸ್‍ಆರ್‍ಟಿಸಿ ಮಂಗಳೂರು 2ನೇ ಘಟಕದ ವ್ಯವಸ್ಥಾಪರಾದ ಅಶೋಕ್ ಮಾನ್ವಿ, ಸಂಚಾರಿ ಅಧೀಕ್ಷಕರಾದ ಮಂಜುನಾಥ, ನಿಶಾ ಟ್ರಾವೆಲ್ಸ್ ಮಾಲಿಕರಾದ ಒಲ್ವಿನ್ ಲ್ಯಾನ್ಸಿ ರೊಡ್ರಿಗಸ್, ಮನೋಜ್ ಕುಮಾರ್ ಅಗರಿ, ರವಿ ಲ್ಯಾನ್ಸಿ ಕ್ರಾಸ್ತಾ, ನಿಶಿತ್ ಲೋಬೋ ಹಾಗೂ ಸುಧಾಕರ ಕೊಳಂಬೆ ಉಪಸ್ಥಿತರಿದ್ದರು.
