ಆಳ್ವಾಸ್ ನುಡಿಸಿರಿಯಲ್ಲಿ `ರಂಗಸಿರಿ’

ಮೂಡುಬಿದಿರೆ: ನವಂಬರ್ 18ರಿಂದ 20ರ ವರೆಗೆ ಮೂಡಬಿದಿರೆಯಲ್ಲಿ ನಡೆಯಲಿರುವ ಆಳ್ವಾಸ್ ನುಡಿಸಿರಿಯ ಅಂಗವಾಗಿ ಕನ್ನಡ ರಂಗಭೂಮಿಯ ನಾಲ್ಕು ಪ್ರಮುಖ ನಾಟಕಗಳ ಪ್ರದರ್ಶನ ರಂಗಸಿರಿಯನ್ನು ಪ್ರತಿದಿನ 6.45ಕ್ಕೆ ವಿದ್ಯಾಗಿರಿಯ ಡಾ.ಶಿವರಾಮಕಾರಂತ ವೇದಿಕೆಯಲ್ಲಿ ಏರ್ಪಡಿಸಲಾಗಿದೆ.

ನುಡಿಸಿರಿಯ ಹಿಂದಿನ ದಿನ ನವಂಬರ್ 17ರಂದು ರಂಗಾಯಣ ದಾರವಾಢ ಅಭಿನಯದ ನಾಟಕ `ತಮಾಶಾ’ (ನಿರ್ದೇಶನ:ಪ್ರೊ:ಗಣೇಶಚಂದಶಿವೆ, ಮುಂಬಯಿ), ನ.18ರಂದು ರಂಗಾಯಣ, ಮೈಸೂರು ಅಭಿನಯಿಸುವ ಡಾ.ಗಿರೀಶ್ ಕಾರ್ನಾಡ್ ರಚಿಸಿರುವ ನಾಟಕ`ತಲೆದಂಡ‘(ನಿ: ಜಯತೀರ್ಥ ಜೋಶಿ) ನ.19ರಂದು ಆಳ್ವಾಸ್ ರಂಗ ಅಧ್ಯಯನ ಕೇಂದ್ರ) ಅಭಿನಯದ ಡಾ.ಚಂದ್ರಶೇಖರ ಕಂಬಾರ ರಚಿಸಿರುವ ಜಾನಪದ ನಾಟಕ `ಮಹಾಮಾಯಿ‘(ನಿರ್ದೇಶನ:ಜೀವನ್‍ರಾಂ ಸುಳ್ಯ) ಮತ್ತು ನ.20ರಂದು ರಂಗಮಂಟಪ, ಬೆಂಗಳೂರು ಅಭಿನಯಿಸುವ ವೈದೇಹಿ ಕಥೆಯಾಧಾರಿತ ನಾಟಕ `ಅಕ್ಕು‘ (ರಚನೆ:ಕಾಶೀನಾಥ್ ಪತ್ತಾರ್, ನಿ:ಚಂಪಾಶೆಟ್ಟಿ) ಪ್ರದರ್ಶನಗೊಳ್ಳಲಿದೆ ಎಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ.ಎಂ.ಮೋಹನ ಆಳ್ವ ತಿಳಿಸಿದ್ದಾರೆ.