ಮುಂಬಯಿ, ಜು.27: ದಕ್ಷಿಣ ಕನ್ನಡ ಜಿಲ್ಲಾ ಬಿಜೆಪಿ ಅಲ್ಪ ಸಂಖ್ಯಾತ ಮೋರ್ಚಾಚೊ ಜಿಲ್ಲಾಧ್ಯಕ್ಷ್ ಜಾವ್ನ್ ಮೂದಬಿದ್ರೆ ತಾಕೊಡೆ ಫಿರ್ಗಜೆಚೊ ಯುವ ಮುಖೇಲಿ ಶ್ರೀ ಜೋಯ್ಲಸ್ ಡಿ’ಸೋಜಾ ನೇಮಕ್ ಜಾಲಾ. ಬಿಜೆಪಿ ದ.ಕ. ಜಿಲ್ಲಾಧ್ಯಕ್ಷ್ ಸಂಜೀವ ಮಠಂದೂರು ಹಾಚಾ ಆದೇಶಖಾಲ್ ಮುಕ್ಲ್ಯಾ ತೀನ್ ವರ್ಸಾಂಚ್ಯಾ ಆವ್ದೆಕ್ ಜೋಯ್ಲಸ್ ದಕ್ಷಿಣ್ ಕನ್ನಡ ಜಿಲ್ಲ್ಯಾಂತ್ ಅಲ್ಪಸಂಖ್ಯಾತ್ ಮೋರ್ಚಾ ಅಧ್ಯಕ್ಷ್ ಜಾವ್ನಾಸ್ತೊಲೊ.
ಮಂಗ್ಳುರ್ ದಿಯೆಸೆಜಿಚ್ಯಾ ವೈಸಿಎಸ್ ಸಂಚಲನಾಚೊ ಕೇಂದ್ರಿಕ್ ಕಾರ್ಯದರ್ಶಿ ಜಾವ್ನ್ ಸೆವಾ ದಿಲ್ಲೊ ಯುವ ಮುಕೆಲಿ ಜೋಯ್ಲಸ್ ಡಿ’ಸೋಜಾ, ತಾಕೊಡೆ ವೈಸಿಎಸ್ ಘಟಕಾಚೊ ಪ್ರೇರಕ್ಯೀ ಜಾವ್ನಾಸಾ. ತಾಕೊಡೆ ಫಿರ್ಗಜೆಚ್ಯಾ ಗೊವ್ಳಿಕ್ ಮಂಡಳೆಚೊ ಸಾಂದೊ ಜಾವ್ನಾಸ್ಚ್ಯಾ ಸಾಂಗಾತಾ ಮೂಡ್ಬಿದ್ರಿ ವಾರಾಡೊ ಕಥೋಲಿಕ್ ಸಭಾಚೊ ರಾಜಕೀಯ್ ಸಂಚಾಲಕ್ಯೀ ಜಾವ್ನಾಸಾ.