ಕೈಕಂಬ:ಗುರುಪುರ ಕೈಕಂಬದ ಪೋಂಪೈ ಚರ್ಚ್ ದ್ವಾರದೆದುರು ಶುಕ್ರವಾರ ಬೆಳಿಗ್ಗೆ ವಿದ್ಯುತ್ ಟ್ರಾನ್ಸ್ಫಾರ್ಮರ್ `ಅರ್ಥ್’ ತಗುಲಿ ಹಾಲು ಕೊಡುತ್ತಿದ್ದ ಗಬ್ಬದ ದೊಡ್ಡ(ಜೆರ್ಸಿ) ಹಸುವೊಂದು ದಾರುಣ ಮರಣವಪ್ಪಿತು.
ಕೈಕಂಬಕ್ಕೆ ಹತ್ತಿರದ ಪಡ್ಡಾಯಿಪದವು ಸೆಲಿನ್ ಪಿಂಟೋರ ಸುಮಾರು 50 ಸಾವಿರ ರೂ ಬೆಲೆಬಾಳುವ ಹಸುವಾಗಿದ್ದು, ದಿನಕ್ಕೆ 18 ಲೀಟರ್ ಹಾಲು ಕೊಡುತ್ತಿತ್ತು. ಇದು ಗಬ್ಬದ ಹಸುವಾಗಿತ್ತು ಎಂದು ಪಿಂಟೋ ಹೇಳಿದರು. ಸ್ಥಳಕ್ಕೆ ಆಗಮಿಸಿದ ಮೆಸ್ಕಾಂ ಅಧಿಕಾರಿಗಳು ಹಸುವಿಗೆ ಪರಿಹಾರ ತೆಗೆಸಿ ಕೊಡುವುದಾಗಿ ಆಶ್ವಾಸನೆ ನೀಡಿದ್ದಾರೆ. ಘಟನೆ ಬಗ್ಗೆ ಬಜ್ಪೆ ಠಾಣೆಯಲ್ಲಿ ದೂರು ದಾಖಲಾಗಿದೆ.
