ಗುರುಪುರ ಪಿ ಶೇಕಬ್ಬ ನಿಧನ
ಗುರುಪುರ : ಗುರುಪುರ ಜಂಕ್ಷನ್ನಲ್ಲಿ ಅಂಗಡಿ ವ್ಯಾಪಾರಿಯಾಗಿದ್ದ, ಗುರುಪುರ ಮಠದ ಬಳಿ ನಿವಾಸಿ, ಕಾಂಗ್ರೆಸ್ಸಿನ ಹಿರಿಯ ಕಾರ್ಯಕರ್ತ ಪಿ. ಶೇಕಬ್ಬ(66) ಸೆ. 2ರಂದು ಬೆಳಿಗ್ಗೆ ಹೃದಯಾಘಾತದಿಂದ ನಿಧನರಾದರು.
ಗುರುಪುರ ವ್ಯವಸಾಯ ಸೇವಾ ಸಹಕಾರಿ ಸಂಘ(ರಿ) ಇದರ ನಿಕಟಪೂರ್ವ ಉಪಾಧ್ಯಕ್ಷರಾಗಿದ್ದ ಇವರು, ಗುರುಪುರ ಗ್ರಾಮ ಪಂಚಾಯತ್ಗೆ ಐದು ಬಾರಿ ಸದಸ್ಯರಾಗಿ ಆಯ್ಕೆಯಾಗಿದ್ದರು. ಒಂದು ಅವಧಿಗೆ ಪಂಚಾಯತ್ ಉಪಾಧ್ಯಕ್ಷರಾಗಿದ್ದರು. ಒಂದು ಅವಧಿಗೆ ಗುರುಪುರದ ದಾರೂಸ್ಸಾಲಾಂ ಮಸೀದಿ-ದರ್ಗಾದ ಅಧ್ಯಕ್ಷರಾಗಿದ್ದ ಇವರು ಪ್ರಸಕ್ತ ಗೌರವಾಧ್ಯಕ್ಷರಾಗಿದ್ದರು.
ಮೃತರು ಪತ್ನಿ, ಇಬ್ಬರು ಪುತ್ರರು, ನಾಲ್ವರು ಪುತ್ರಿಯರನ್ನು ಹಾಗೂ ಅಪಾರ ಬಂಧು-ಮಿತ್ರರನ್ನು ಅಗಲಿದ್ದಾರೆ. ಮೃತರ ಅಂತ್ಯಸಂಸ್ಕಾರ ಸ್ಥಳೀಯ ಮಸೀದಿಯಲ್ಲಿ ನಡೆಯಿತು. ಅಗಲಿದ ಚೇತನಕ್ಕೆ ಹಲವು ಗಣ್ಯರು ಸಂತಾಪ ವ್ಯಕ್ತಪಡಿಸಿದ್ದಾರೆ